سپریم کورٹ:آئندہ ہفتے 968 مقدمات سماعت کیلئے مقرر
سپریم کورٹ نے کل سے شروع ہونے والے عدالتی ہفتے کی کاز لسٹ جاری کردی، عدالت عظمیٰ 28 اکتوبر سے یکم نومبر تک 968 مقدمات کی سماعت کرے گی۔
عدالتی ہفتے میں8 مستقل بینچز سماعت کریں گے
سپریم کورٹ میں پیر سے شروع ہونے والے عدالتی ہفتے میں8 مستقل بینچز مقدمات کی سماعت کریں گے، چیف جسٹس یحیٰ آفریدی نے اپنی عدالت میں پورے ہفتے کے لیے 140 مقدمات سماعت کیلئے مقرر کردیے۔
نواز شریف دبئی میں ایک روز قیام کے بعد لندن پہنچ گئے
سپریم کورٹ کا بنیچ نمبر ایک 140مقدمات سنے گا
بینچ نمبر ون چیف جسٹس یحییٰ آفریدی اور جسٹس شاہد بلال حسن پر مشتمل ہے، چیف جسٹس پاکستان کی عدالت میں پورے ہفتے کے 140 مقدمات سماعت کیلئے مقرر کیے گئے۔
عدالت عالیہ کا بینچ نمبردو اورتین 140مقدمات دیکھے گا
دوسرا بینچ جسٹس منیب اختر اور جسٹس اطہر من اللہ پر مشتمل ہے،دوسرے بینچ کے سامنے بھی 140 مقدمات سماعت کیلئے مقرر کیے گئے ہیں، جسٹس امین الدین خان اور جسٹس عرفان سعادت خان پر مشتمل تیسرے عدالتی بنچ کے سامنے بھی 140 مقدمات سماعت کے لیے مقرر کیے گئے ہیں۔
بینچ نمبرچار58مقدمات کی سماعت کرے گا
جسٹس جمال خان مندوخیل کی سربراہی میں جسٹس مسرت ہلالی اور جسٹس شہزاد احمد خان پر مشتمل چوتھا بینچ پورے ہفتے 58 مقدمات کی سماعت کرے گا۔جسٹس محمد علی مظہر اور جسٹس حسن اظہر رضوی پر مشتمل پانچواں عدالتی بینچ بھی آئندہ ہفتے 140 مقدمات سنے گا جبکہ جسٹس عائشہ ملک اور جسٹس عقیل عباسی پر مشتمل چھٹے عدالتی بینچ میں بھی 140 مقدمات سماعت کے لیے مقرر کیے گئے ہیں۔
ساتویں بنیچ میں جسٹس شاہد وحید،جسٹس نعیم افغان شامل
جسٹس شاہد وحید اور جسٹس نعیم اختر افغان پر مشتمل ساتواں بینچ بھی آئندہ عدالتی ہفتے میں 140 مقدمات سنے گا جبکہ جسٹس سردار طارق مسعود اور جسٹس مظہر عالم میاں پر مشتمل آٹھویں بینچ کے سامنے 70 مقدمات سماعت کیلئے مقرر کیے گئے ہیں۔
واضح رہے کہ 27 اپریل کو سپریم کورٹ میں فیصلوں کے منتظر مقدمات کی تعداد 57 ہزار سے تجاوز کر گئی تھی۔
عدالتوں میں 21لاکھ 44ہزارمقدمات زیرالتوا ہیں
2022میں سامنے آنے والی ایک رپورٹ میں کہا گیا تھا کہ ملک کی اعلیٰ اور نچلی عدالتیں 21 لاکھ 44 ہزار زیر التوا مقدمات کے ایک بڑے بیک لاگ سے نمٹ رہی ہیں کیونکہ 2021 کے دوران 41 لاکھ 2 ہزار مقدمات کا فیصلہ کیا گیا اور 40 لاکھ 60 ہزار نئے مقدمات دائر کیے گئے۔
2021کے آغاز میں تمام عدالتوں میں مجموعی طور پر 21 لاکھ 60 ہزار مقدمات زیر التوا تھے۔
