نواز شریف دبئی میں ایک روز قیام کے بعد لندن پہنچ گئے

سابق وزیراعظم اور مسلم لیگ (ن) کے صدر نواز شریف دبئی میں ایک روز قیام کے بعد لندن پہنچ گئے، ایون فیلڈ اپارٹمنٹ پہنچنے پر کارکنوں نے اپنے لیڈر کا استقبال کیا۔

کارکنوں نے نوازشریف کا استقبال کیا

نواز شریف کے لندن میں اپنی رہائشی ایون فیلڈ اپارٹمنٹ پہنچنے پر جہاں لیگی کارکنوں کی بڑی تعداد نے ان کا استقبال کیا، وہیں پاکستان تحریک انصاف (پی ٹی آئی) کے کارکن بھی احتجاج کے لیے وہاں موجود رہے۔

پی ٹی آئی کارکنوں کی ایون فیلڈ کے باہرنعرے بازی

سابق وزیراعظم کی موجودگی میں تحریک انصاف اور مسلم لیگ (ن) کے کارکنوں کی ایک دوسرے کے خلاف نعرے بازی کی جب کہ حالات قابو میں رکھنے کے لئے لندن پولیس کی نفری بھی موجود رہی۔

لندن پہنچنے کے بعد مسلم لیگ (ن) کے صدر نوازشریف میڈیا سے بات چیت کیے بغیر ہی اپنے گھر کے لیے روانہ ہوگئے۔

سپریم کورٹ:آئندہ ہفتے 968 مقدمات سماعت کیلئے مقرر

واضح رہے کہ نواز شریف 25 اکتوبر کو غیر ملکی ایئرلائن کی پرواز ای کے 625 کے ذریعے آج صبح دبئی روانہ ہوئے تھے، جہاں سے وہ لندن پہنچ کر اہم ملاقاتیں کریں گے۔

 نوازشریف 29اکتوبر کوامریکہ روانہ ہوں گے

پارٹی ذرائع نے بتایا ہے کہ 29 اکتوبر کو لندن سے نواز شریف امریکا جائیں گے، جہاں وہ 4 روز رکنے کے بعد واپس لندن پہنچیں گے۔

وزیراعلی پنجاب مریم نواز نومبر کے پہلے ہفتہ میں لندن پہنچیں گی، جہاں نوازشریف اور مریم نوازشریف اکٹھے یورپ کا دورہ کریں گے۔

ذرائع کے مطابق نواز شریف دورے کے دوران اہم سیاسی ملاقاتیں کریں گے اور تاجروں سے بھی گفتگو ہوگی۔

واضح رہے کہ نواز شریف 25 اکتوبر کو غیر ملکی ایئرلائن کی پرواز ای کے 625 کے ذریعے دبئی روانہ ہوئے تھے۔ سابق وزیراعظم کی موجودگی میں تحریک انصاف اور مسلم لیگ (ن) کے کارکنوں کی ایک دوسرے کے خلاف نعرے بازی کی جب کہ حالات قابو میں رکھنے کے لئے لندن پولیس کی نفری بھی موجود رہی۔