سپریم کورٹ کا ٹرمپ کے کہنے پرجج کےمواخذےسے انکار

امریکی سپریم کورٹ کے چیف جسٹس جان رابرٹس نےٹرمپ کیخلاف حکم جاری کرنے والے جج کا مواخذہ کرنے سے انکار کردیا۔

امریکی سپریم کورٹ نے کہا کہ عدالتی فیصلوں پر اختلاف کی بنا پر کسی جج کا مواخذہ مناسب نہیں ہے اور اس مقصد کے لیے معمول کا ایپلیٹ جائزہ موجود ہے۔

امریکی صدرٹرمپ نے مطالبہ کیا تھا کہ ان کے خلاف حکم جاری کرنے والے واشنگٹن ڈی سی ڈسٹرکٹ کورٹ کے چیف جج کامواخذہ کیاجائے۔

امریکی جج نے ڈونلڈ ٹرمپ انتظامیہ کو حکم دیا تھا کہ وہ حالت جنگ کے دور کی متنازع اتھارٹی استعمال کرکے وینزویلا کے گینگ اراکین کو اس وقت تک ڈیپورٹ نہ کریں جب تک کہ کارروائی جاری ہے تاہم وائٹ ہاوس نے اگلے روز کہا تھاکہ 137 افراد کو ڈیپورٹ کردیا گیا ہے۔