امریکی گلوکارہ کی غزہ کی حمایت میں   ویڈیو ریلیز

گریمی ایوارڈ یافتہ امریکی گلوکار و نغمہ نگار کہلانی نے اسرائیلی حملوں کے شکار فلسطینیوں کی حمایت میں اپنی نئی میوزک ویڈیو جاری کی ہے ۔

بین الاقوامی میڈیا رپورٹس کے مطابق امریکی گلوکارہ کہلانی اسرائیل کے خلاف اور غزہ کی حمایت میں ہونے والے مظاہروں میں بڑھ چڑھ کر حصہ لے رہی ہیں، وہ ناصرف سوشل میڈیا پر فلسطین کے حق میں آواز اُٹھا رہی ہیں بلکہ اسرائیل مخالف ریلیوں میں بھی بھرپور شرکت کررہی ہیں۔

ایرانی صدارتی الیکشن کیلئےاحمدی نژاد پھر نااہل

31 مئی کو گلوکارہ کہلانی نے اپنا نیا گانا ’Next 2 U‘ ریلیز کیا جس کی ویڈیو میں اُنہوں نے اظہارِ یکجہتی کے لیے فلسیطینی اسکارف ‘کوفیہ’ والی جیکٹ پہنی جبکہ ویڈیو میں اُنہیں فلسطینی پرچم لہراتے ہوئے بھی دکھایا گیا۔

میوزک ویڈیو میں پہنے جانے والے ملبوسات کو فلسطینی ڈیزائنرز نے تیار کیا جبکہ گلوکارہ کے مطابق وہ گانے سے ہونے والی ساری کمائی فلسطینی، کانگولیس اور سوڈانی خاندانوں میں تقسیم کریں گی۔