سپریم کورٹ نے ارشد شریف قتل کیس کا ازخود نوٹس لے لیا، بنچ تشکیل

عدالت اعظمیٰ نے کینیا میں قتل ہونے والے معروف اینکرپرسن، و صحافی ارشد شریف کے قتل کا ازخود نوٹس لیتے ہوئے لارجر بنچ تشکیل دے دیا ہے، سماعت آج ساڑھے بارہ بجے شروع ہوگی۔

عدالت  نے سیکرٹری داخلہ، خارجہ، اطلاعات سمیت ڈی جی ایف آئی اے، ڈی جی آئی بی اور پاکستان فیڈرل یونین آف جرنلسٹ کےصدر کو نوٹس جاری کر دیئے۔

ترجمان سپریم کورٹ کا کہنا ہے کہ صحافی برادری اورعوام ارشدشریف کےقتل سے شدید تشویش کاشکار ہے لہٰذا عدالتِ عظمیٰ کی جانب سے اس کا از خود نوٹس لیا گیا ہے۔

یاد رہے کہ کچھ روز قبل سابق وزیر اعظم عمران خان نے سینئر صحافی ارشد شریف کے قتل کیس کی تحقیقات کے لیے چیف جسٹس آف پاکستان کو خط لکھا تھا۔

صحافیوں کی زندگی کا تحفظ حکومتی ترجیحات میں شامل ہے

پی ٹی آئی کی جانب سے ٹوئٹر پر جاری اعلامیے میں بتایا گیا تھا کہ عمران خان نے ارشد شریف کے قتل کی آزادانہ جوڈیشل کمیشن کے تحت انکوائری کروانے کے لیے چیف جسٹس پاکستان کو خط لکھا ہے۔

پی ٹی آئی کی جانب سے ٹوئٹر پر ایک ویڈیو بھی شیئرکی گئی ہے جس میں عمران خان کو خط لکھتے ہوئے دکھایا گیا ہے جب کہ ایک اور ٹوئٹ میں عمران خان کا خط بھی پوسٹ کیا گیا ہے۔

واضح رہے کہ 23 اکتوبر کو نیروبی مگاڈی ہائی وے پر شناخت میں غلطی پر پولیس نے ارشد شریف کو سر پر گولی مار کر ہلاک کر دیا تھا۔