اقوام متحدہ ،یورپی یونین کا پاک ایران کشیدگی پر اظہار تشویش

اقوام متحدہ کےسیکرٹری جنرل اور یورپی یونین کی جانب سے  ایران اورپاکستان کے درمیان حالیہ کشیدگی  پر گہری تشویش کا اظہار کردیا ہے۔

اقوام متحدہ کے سیکرٹری جنرل کے ترجمان نے اپنے ایک بیان میں کہا کہ سیکرٹری جنرل کا کہنا ہے کہ سلامتی کے تمام خدشات کو بات چیت کے ذریعے حل کیا جانا چاہیے، دونوں ممالک پر زور دیتے ہیں کہ تحمل کا مظاہرہ کریں تا کہ کشیدگی میں مزیداضافہ نہ ہو۔دونوں ممالک خودمختاری، علاقائی سلامتی اور اچھے ہمسایہ تعلقات کے اصولوں کے مطابق مسائل حل کریں۔

دوسری جانب یورپی یونین نے بھی پاکستان ایران کی صورت حال پر شدید تشویش کا اظہار کیا ہے۔