سندھ بھر میں تعلیمی ادارے 30 اگست سے کھلیں گے

سندھ بھر میں پرائیویٹ سکولز کو  30 اگست  تک دوبارہ کھولنے کا اعلان کیا گیا ہے ،  وزیر تعلیم سندھ سردار شاہ سے پرائیوٹ اسکولز ایسوسی ایشن کے وفد نے ملاقات کی، ذرائع کا کہنا ہے کہ ملاقات میں مشترکہ فیصلہ ہوا کہ کراچی سمیت سندھ بھر میں اسکولز 30 اگست آئندہ پیر سے کھلیں گے۔

ذرائع کے مطابق اساتذہ کو سکولز جانے اور تیاری کرنے کی اجازت ہوگی، جب کہ پرائیویٹ سکولز کوعملے اور اساتذہ کی ویکسی نیشن رپورٹ جمع کرانا ہوگی۔

ذرائع نے بتایا کہ جمعے کے روز ورکنگ کمیٹی کا اجلاس ہوگا، اجلاس کے بعد اسکول کھولنے کا نوٹیکیشن جاری ہوگا، جب کہ وزیر تعلیم سندھ سید سردار علی شاہ کچھ دیر بعد فیصلوں کا باضابطہ اعلان کریں گے۔