محسن نقوی کا ایف آئی اے کو اوور بلنگ میں ملوث افسران کے خلاف کارروائی کا حکم

وفاقی وزیر داخلہ سینیٹر محسن نقوی نے پروٹیکٹیڈ صارفین کی اوور بلنگ کی بڑھتی ہوئی شکایات کا سخت نوٹس لیتے ہوئے اوور بلنگ کرنے والے افسراں اور عملے کے خلاف قانونی کارروائی کا حکم دے دیا۔

وزیر داخلہ سینیٹر محسن نقوی نے اوور بلنگ کرنے والے افسراں اور عملے کے خلاف قانونی کارروائی کےلیے ایف آئی اے کے تمام ڈائریکٹرز کو احکامات جاری کر دیے ہیں۔

وزیر داخلہ کا کہنا تھا کہ 200 یونٹ استعمال کرنے والے صارفین کے ساتھ ہونے والی ناانصافی کا ازالہ کیا جائے اور پروٹیکٹڈ صارفین کو جان بوجھ کر نان پروٹیکٹڈ کیٹیگری میں شامل کرنا مجرمانہ عمل ہے جس کی قطعاً اجازت نہیں دی جا سکتی۔ انہوں نےمزید  کہا کہ ایف آئی اے تمام صورت حال کا جائزہ لے اور حقائق کی روشنی میں بلا امتیاز ایکشن لے۔