مائنز اینڈ منرلز ترمیمی بل پرعلی امین گنڈاپور اور عاطف خان میں تلخ کلامی
خیبر پختونخوا مائنز اینڈ منرلز ترمیمی بل 2025 کےمعاملےپر پی ٹی آئی رہنماؤں میں اختلافات لفظی گولہ باری میں تبدیل ہو گئے۔
ذرائع کےمطابق مائنز اینڈ منرلز ترمیمی بل پر وزیر اعلیٰ کےپی علی امین گنڈا پور اورعاطف خان کی پارٹی واٹس گروپ میں تلخ کلامی ہوئی۔
عاطف خان نےپی ٹی آئی پارلیمنٹرینز کےواٹس ایپ گروپ میں مائنز اینڈ منرلز ترمیمی بل کی مخالفت کی اورکہا کہ بل خیبر پختونخوا کے عوام کے حق میں نہیں ہے۔
افغانستان میں چھوڑے گئے جدید امریکی ہتھیار سکیورٹی فورسز پر حملوں میں استعمال ہو رہے ہیں،دفتر خارجہ
علی امین گنڈا پورنےجواب میں کہا کیا آپ نےبل پڑھا ہے؟اگر انگریزی نہیں آتی تو بل کی اردو کاپی بھیج دوں گا، مائنز اینڈ منرلزترمیمی بل میں کوئی مسلہ نہیں، مسئلہ آپ کا ذاتی ہے۔
ذرائع کا بتانا ہےکہ عاطف خان نےپارٹی واٹس ایپ گروپ میں علی امین گنڈاپورکوکوئی جواب نہیں دیا۔
صوبائی سیکٹرٹری اطلاعات پی ٹی آئی عدیل اقبال نےاس حوالے سے گفتگو کرتے ہوئےکہا کہ پارٹی کےاندر اس قسم کی بحث چلتی رہتی ہے،یہ اختلاف نہیں ہے، مائنز اینڈ منرلز ترمیمی بل پر پیر کو اراکین اسمبلی کو بریفنگ دیں گے۔
