ڈینگی، چکن گونیا اور ملیریا کے کیسز میں اضافہ

ملک کے مختلف حصوں میں ڈینگی، چکن گونیا اور ملیریا کے کیسز میں ایک بار پھر اضافہ ہوگیا۔

محکمہ صحت کے مطابق ملک کے مختلف شہروں میں ڈینگی، چکن گونیا اور ملیریا سمیت دیگر وبائی امراض کی شدت بڑھنے لگی ہے۔

گریپ فروٹ صحت کے لیے مفید ہوتا ہے یا نہیں؟

حکام نے بتایا کہ گزشتہ چند ہفتوں میں ڈینگی اور چکن گونیا کے کیسز میں غیر معمولی اضافہ دیکھنے کو ملا ہے اور اسپتال مریضوں سے بھرگئے ہیں۔

 صوبے بھر میں ملیریا کے کیسز میں مسلسل اضافہ ہورہا ہے اور جنوری سے اکتوبر تک سندھ میں ملیریا کے 2 لاکھ 49 ہزار 151کیس سامنے آئے ہیں۔کراچی سے ملیریا کے ایک ہزار 976کیس رپورٹ ہوئے، حیدرآباد ڈویژن سے ملیریا کے  ایک لاکھ 19ہزار 293  اور لاڑکانہ سے 55 ہزار 294کیس سامنے آئے۔

 میرپورخاص سے ملیریا کے 33 ہزار 953 کیس، شہید بینظیرآباد سے 20 ہزار 858 جب کہ سکھر سے ملیریا کے 17ہزار 777کیس رپورٹ ہوئے۔ بیماری پھیلنے کی بڑی وجوہات میں ناقص نکاسی آب کے نظام کی وجہ سے مچھروں کی افزائش اور احتیاطی تدابیر کا فقدان شامل ہے۔