کیا بالی ووڈ باربی ڈول کترینہ  ’امید ‘ سے ہیں؟

دسمبر 2021 کے دوران بھارتی اداکار وکی کوشل سے رشتہ ازدواج میں منسلک ہونے والی اداکارہ کترینہ کیف کے امید سے ہونے کی خبریں سوشل میڈیا پر خوب وائرل ہو رہی ہیں۔

دلچسپ بات یہ ہے کہ کترینہ کیف کے اُمید سے ہونے کی خبریں اپریل 2022 میں بھی سامنے آئی تھیں، تاہم بعد ازاں ایسی خبروں کو اداکارہ کے قریبی ذرائع نے جھوٹا قرار دیا تھا۔

اب ایک سال بعد پھر سے اپریل کے ہی مہینے میں اداکارہ کے اُمید سے ہونے کی خبریں سامنے آئی ہیں، جس پر تاحال اداکارہ یا اس کے قریبی ذرائع نے کوئی تصدیق یا تردید نہیں کی۔

ٹائمز آف انڈیا‘ کے مطابق کترینہ کیف نے 22 اپریل کو سلمان خان کی بہن ارپیتا خان کی جانب سے دی گئی عید پارٹی میں شرکت کی، جہاں انہیں اپنے دوپٹے سے پیٹ کو چھپاتے ہوئے دیکھا گیا تو لوگوں نے ان کے اُمید سے ہونے کی افواہیں پھیلائیں۔

سوشل میڈیا پر وائرل ہونے والی ویڈیوز میں کترینہ کیف کو تصاویر اور ویڈیوز بنواتے وقت دوپٹے سے اپنے پیٹ کو چھپاتے ہوئے دیکھا جا سکتا ہے۔اداکارہ کی جانب سے دوپٹے کو اپنے پیٹ کے آگے کرنے کے بعد سوشل میڈیا پر صارفین نے اور خصوصی طور پر خواتین نے دعویٰ کیا کہ اداکارہ حاملہ ہیں۔

سوشل میڈیا پر خواتین نے تبصرے کیے کہ کترینہ کیف کو کچھ عرصے سے ورزش کرتے نہیں دیکھا گیا جب کہ اب ان کا وزن کافی بڑھا ہوا محسوس ہوتا ہے۔ صارفین کے مطابق اداکارہ کی جسامت اور ان کے لباس سے اندازہ ہوتا ہے کہ وہ اُمید سے ہیں۔

بعض خواتین نے کمنٹ کیے کہ کترینہ کیف بہت پیاری لگ رہی ہیں، ان کے ہاں پیدا ہونے والے بچے کتنے خوبصورت ہوں گے؟ کچھ صارفین نے اندازے لگائے کہ کترینہ کیف کے ہاں پہلا بیٹا ہوگا۔

کترینہ کیف کو دسمبر 2021 میں اداکار وکی کوشل سے شادی کرنے کے بعد اسکرین پر کم دیکھا گیا ہے جب کہ وہ شوبز تقریبات میں بھی کم دکھائی دیتی ہیں۔ اداکارہ کے گھر تک محدود رہنے کی وجہ سے ان سے متعلق بار بار چہ مگوئیاں ہوتی رہتی ہیں کہ وہ اُمید سے ہیں۔

بھارتی جوڑے نے اس حوالے سے ابھی تک کوئی وضاحت نہیں دی ہے کہ وہ مستقبل قریب میں والدین بننے والے ہیں یا نہیں تاہم گزشتہ برس ایسی اطلاعات کی فوری تردید کر دی گئی تھی۔

حکومت اور پی ٹی آئی کے درمیان مذاکرات کا دوسرا روز منگل تک ملتوی

Back to top button