سونا فی تولہ 250 روپے مہنگا ہو گیا

عالمی بلین مارکیٹ میں فی اونس سونے کی قیمت 13ڈالر کے اضافے سے 1784 ڈالر کی سطح پر آ گئی ہے۔

مقامی صرافہ مارکیٹوں میں ہفتے کو فی تولہ اور فی دس گرام سونے کی قیمتوں میں 250روپے اور 215روپے کا اضافہ ریکارڈ کیا گیا ہے۔

سونے کی قیمتیں بڑھنے کے نتیجے میں کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 124450 روپے اور فی دس گرام سونے کی قیمت بڑھ کر 106696 روپے تک پہنچ گئی ہے۔
یہ بھی پڑھیں: ملک کے پسماندہ علاقوں کو ترقی دیں گے
فی تولہ چاندی کی قیمت بغیر کسی تبدیلی 1460روپے پر مستحکم رہی اور دس گرام چاندی کی قیمت بھی بغیر کسی تبدیلی1251.71 روپے پر مستحکم رہی ہے۔