پی ٹی آئی ٹکڑوں میں تقسیم ہوچکی ہے : خواجہ آصف
وزیر دفاع خواجہ آصف کا کہنا ہے کہ پی ٹی آئی ٹکڑوں میں تقسیم ہوچکی ہے، پی ٹی آئی والوں نے ایک دوسرے کو چور کہنا شروع کر دیا ہے، عمران خان کے دور میں کرپشن عروج پر تھی،پی ٹی آئی والوں کا لیڈر بین الاقوامی چور ہے۔
سیالکوٹ میں تقریب سے خطاب میں وفاقی وزیر خواجہ آصف کاکہنا تھا کہ ہم نے تحریک عدم اعتماد کے ذریعے پی ٹی آئی سے اقتدار حاصل کیا، جب اقتدار حاصل کیا اس وقت ہر طرف تباہی تھی،کہا جا رہا تھا ملک معاشی حالات کے باعث دیوالیہ ہو جائے گا لیکن پی ڈی ایم کے رہنماؤں نے مل کر اس ملک کےلیے امید کی کرن پیدا کی۔
وفاقی وزیر خواجہ آصف نے کہاکہ کوئی سوچ نہیں سکتا تھا ملک میں بجلی سستی ہوگی،حکومتی پالیسیوں کی وجہ سے مہنگائی کی شرح میں کمی آئی، وزیراعظم شہباز شریف کی قیادت میں ملک کو مشکل حالات سے نکالا۔
عمران خان کو تنقید کا نشانہ بناتے ہوئے خواجہ آصف کاکہنا تھا کہ پی ٹی آئی والوں نے ایک دوسرے کو چور کہنا شروع کر دیا ہے، عمران خان کے دور میں کرپشن عروج پر تھی،پی ٹی آئی والوں کا لیڈر بین الاقوامی چور ہے، عمران خان ہمارے ساتھ میٹنگ میں نہیں بیٹھتا تھا لیکن اپنے دور میں کسی میٹنگ میں نہ بیٹھنے والا عمران خان اب میٹنگز میں آنے کےلیے منتیں کر رہا ہے۔
مرکزی رہنما مسلم لیگ ن خواجہ آصف نے کہاکہ ایسے افراد بھی پی ٹی آئی کے ساتھ ہیں جن کو گھر والے بھی ووٹ نہیں دیتے، پی ٹی آئی ٹکڑوں میں تقسیم ہوچکی ہے،کل تک پی ٹی آئی والے کہتے تھے امریکی غلامی نامنظور،آج امریکا کی منتیں کرتے ہیں کہ عمران خان کی رہائی کےلیے بیان دے دیں۔
خواجہ آصف کاکہنا تھا کہ بجٹ سے پہلے عوام کو خوشخبریاں سنائیں گے،شہباز شریف نے ایک سال کے اندر ناممکن کو ممکن کر دکھایا،وزیر اعلیٰ مریم نواز پنجاب کی ترقی کےلیے دن رات کوشاں ہیں۔
عمران خان کی رہائی کیلئے کوئی امریکی دباؤنہیں،طارق فضل چودھری
انہوں نے کہاکہ بلوچستان اور خیبرپختونخوا میں دہشت گردی کی لہر ہے،پاک فوج کے جوان قربانیاں دے کر ملک کی حفاظت کررہے ہیں۔
