شوبز انڈسٹری سے وابستہ شخصیات اکثر سوشل میڈیا ٹرولنگ پر ردعمل دینے سے قاصر ہوتی ہیں کیونکہ ان کو مداحوں کی رائے کا احترام کرنا ہوتا ہے لیکن بعض اوقات صورتحال قابو سے باہر ہو جاتی ہے، اداکارہ سجل علی بھی سوشل میڈیا ٹرولنگ پر ایسی ہی صورتحال سے دوچار ہوئیں جب انھوں نے مداح کو کھری کھری سنا دیں۔اداکارہ سجل علی نے شادی سے متعلق سوشل میڈیا ٹرولنگ پر مداحوں کو کرارا جواب دیتے ہوئے لکھا کہ ’شادی کا قیامت سے کیا تعلق؟ حال ہی میں سجل علی نے انسٹا گرام پر اپنی تصویر شیئر کی جس انہوں نے نیلے رنگ کی قیمض اور دوپٹہ کے ساتھ سفید رنگ کی شلوار زیب تن کی، اداکارہ کی اس تصویر پر کئی شوبز شخصیات نے ان کی تعریف کی، جن میں گلوکارہ آئمہ بیگ بھی شامل ہیں۔تاہم اس تصویر پر دیگر سوشل میڈیا صارفین نے بھی تبصرے کیے، ایک صارف نے لکھا کہ ’آپ اس سے بہتر تصویر لگا سکتی ہیں، آپ مجھے اپنے انسٹاگرام اکاؤنٹ کی منیجر بنا لیں جس پر سجل علی نے جواب دیا کہ میں اپنی زندگی میں اس سے بہتر کرنا چاہتی ہوں، اور میری ابھی یہی توجہ ہے، آپ فکر نہ کریں۔ایک اور صارف نے لکھا کہ سجل اسی لباس میں بہتر تصویر پوسٹ کریں، آپ کو اس سے بہتر تصاویر پوسٹ کرنے کی ضرورت ہے کیونکہ آپ بہت پیاری ہیں، جس پر سجل علی نے جواب دیا کہ ’آپ کا بہت شکریہ لیکن ایک بہتر تصویر کی کیا تعریف ہے مائی لوو۔اسی طرح ایک اور صارف نے لکھا کہ کون اس بات سے اتفاق کرتا ہے کہ سجل کو انسٹاگرام پر بہتر تصاویر پوسٹ کرنے کی ضرورت ہے؟ یہاں تک کہ سوشل میڈیا انفلوئنسرز اس سے بہتر تصاویر پوسٹ کرتی ہیں جس پر سجل نے جواب دیا کہ ’انسٹاگرام ایستھیٹک سے جہاں اور بھی ہیں۔اسی دوران ایک اور سوشل میڈیا صارف نے کمنٹ کیا کہ شادی کرلیں اب قیامت قریب ہے، جس پر اداکارہ نے جواب دیا کہ شادی کا قیامت سے کیا تعلق ہے میرے بھائی؟یاد رہے کہ مارچ 2020 میں سجل علی نے اداکار احد رضا میر سے شادی کی تھی، ان کی جوڑی کو سکرین سمیت حقیقی زندگی میں بھی بہت پسند کیا جاتا تھا تاہم شادی کے تقریباً ایک سال بعد ہی دونوں کے درمیان طلاق کی افواہیں گردش کرنا شروع ہوگئی تھیں،

نمرہ خان پر نشئی ہونے کا الزام کس نے اور کیوں لگایا؟

تاہم دونوں اداکاروں نے آج تک ان افواہوں پر کوئی ردعمل نہیں دیا۔