معروف اداکارہ میرب علی کرتارپور میں گردوارہ جانے پر سوشل میڈیا پر تنقید کی زد میں آ گئی ہیں، سوشل میڈیا صارفین کی منفی تبصروں پر میرب علی نے بھی انہیں کرارا جواب دیا، کرتارپور میں واقع دربار صاحب گردوارہ کا بھارتی سرحد سے فاصلہ چند کلومیٹر کا ہے، تحصیل شکر گڑھ میں واقع سکھوں کا یہ مقدس مقام مانا جاتا ہے۔اس مقام کی تاریخی اہمیت ہے، یہ وہ مقام ہے جہاں سکھوں کے پہلے گرو نانک دیو جی نے اپنی زندگی کے آخری ایام گزارے تھے، گرو نانک 1539 میں اپنے انتقال تک 18 سال تک یہاں مقیم رہے، حال ہی میں بابا گورونانک کے 554ویں جنم دن کی تقریبات میں شرکت کیلئے دنیا بھر سے سکھ یاتری یہاں پہنچے تھے۔اسی دوران میرب علی نے بھی گردوارہ کا دورہ کیا جس کی تصاویر انہوں نے سوشل میڈیا پلیٖٹ فارم انسٹاگرام پر بھی شیئر کیں، گردوارہ کے دورے کی تصاویر شیئر کرنے پر انہیں سوشل میڈیا صارفین کی جانب سے تنقید کا سامنا ہے، کیا آپ مسلمان نہیں ہیں؟ ایک اور صارف نے لکھا کہ ’آپ سکھ تو نہیں بن گئیں، آپ مسجد نہیں جاتی لیکن کافروں کی عبادت گاہوں میں ضرور جاتی ہیں۔سوشل میڈیا صارفین کی ٹرولنگ اور تنقید پر میرب علی نے جواب دیا کہ کوئی بھی شخص گردوارہ جا سکتا ہے، آپ کو بھی جانا چاہئے، وہاں کے لوگ بہت مہربان تھے، ہو سکتا ہے کہ آپ بھی وہاں سے کچھ چیزیں سیکھ لیں۔گلوکار عاصم اظہر کے ساتھ منگنی کے بارے میں سوال پر میرب نے بتایا کہ ہم بہت پرانے خاندانی دوست ہیں، میرا شوبز میں آنے کا ارادہ تھا بھی نہیں تو اتنا کچھ سوچا نہیں تھا، یہ تو دونوں خاندانوں نے سوچا تھا جس کا نتیجہ ہے، میں نے اتنا نہیں سوچا تھا۔شادی کی ٹائم لائن کے حوالے سے سوال پر میرب نے بتایا کہ میں زیادہ پلان نہیں کرتی، یہ سارے سوال ہم نے بڑوں پر چھوڑ دیئے ہیں، جب وہ کہیں گے تب کرلیں گے، جلدی ہو یا دیر سے کوئی فرق نہیں پڑتا، میرب علی کے مطابق انہیں پڑھنے کا بہت شوق ہے اور وہ صرف ڈگری کے لیے نہیں بلکہ مزید تعلیم حاصل کرنا چاہتی ہیں، میں ڈراموں کے سکرپٹ یاد کرتی ہوں، یعنی رٹے میں اچھی ہوں اور بحث و

مباحثہ بھی اچھا کر لیتی ہوں، اس لیے سوچا کہ اسی میں کچھ کر لوں۔