دوسرا ون ڈے : نیوزی لینڈ نے پاکستان کو 84   رنز سے شکست دےکر سیریز جیت لی

نیوزی لینڈ نے تین ایک روزہ میچز  کی سیریز کے دوسرے میچ میں پاکستان کو 84 رنز سے شکست دےکر سیریز میں نمایاں برتری حاصل کرلی۔

پاکستان کی جانب سے فہیم اشرف نے 73  رنز کی اننگ کھیلی، جب کہ ٹیل اینڈر نسیم شاہ نے ذمہ دارانہ بیٹنگ کرتے ہوئے 4 چوکوں اور 4 چھکوں کی مدد سے 51 رنز بنائے۔

قومی ٹیم کے افتتاحی بلے باز عبداللہ شفیق 1، امام الحق 3 ، بابر اعظم 1 ، کپتان محمد رضوان 5 ، سلمان آغا 9 ، طیب طاہر 13 ، محمد وسیم 1، عاکف جاوید 8 رنز بناکر آؤٹ ہوئے۔

نیوزی لینڈ کی جانب سے ول اوروکی نے 1، جیکب ڈفی نے 3 ،بین سیئر 5 ،ناتھن اسمتھ نے 1 کھلاڑی کو آؤٹ کیا۔

نیوزی لینڈ کی جانب سے 99 رنز کی اننگ کھیلنے والے  مچل ہے پلیئر آف دی میچ قرار پائے۔

قبل ازیں ہیملٹس کے سیڈون پارک میں کھیلے گئے ون ڈے میچ میں نیوزی لینڈ کی ٹیم نے مقررہ 50 اوورز میں 8 وکٹوں کے نقصان پر 292 رنز بنائے۔

کیویز وکٹ کیپر مچل ہے نے 78 گیندوں پر ناقابل شکست 99 رنز بنائے۔

انہوں نے اپنی اننگ میں 7 چھکے اور 7 چوکے لگائے۔

خیال رہے کہ پاکستانی کپتان محمد رضوان نے ٹاس جیت کر پہلے نیوزی لینڈ کو بیٹنگ کی دعوت دی تھی۔

نیوزی لینڈ کے اوپنرز نے 54 رنز کا اچھا آغاز فراہم کیا اور پہلی وکٹ چھٹے اوور میں نک کیلی کی گری جو 31 رنز بناکر حارث رؤف کی بولنگ پر آؤٹ ہوئے۔

10 ویں اوور میں دوسرے اوپنر Rhys Mariu بھی 18 رنز پر وسیم جونیئر کا شکار بنے، اس وقت نیوزی لینڈ کا اسکور 71 رنز تھا۔

اس کے بعد پہلے ڈیرل مچل 18 جبکہ ہنری نکولس 22 رنز بناکر آؤٹ ہوئے، اس وقت نیوزی لینڈ کا اسکور 102 تھا جبکہ 17 اوور ہوچکے تھے۔

5 ویں وکٹ پر کیوی کپتان مائیکل بریسویل اور محمد عباس نے 30 رنز کی شراکت داری کی مگر پھر بریسویل 17 رنز بنا کر محمد وسیم جونیئر کی گنند پر آؤٹ ہوگئے۔

مچل ہے اور محمد عباس نے چھٹی وکٹ پر 77 رنز جوڑے اور جب 40 ویں اوور میں عباس پویلین واپس لوٹے تو نیوزی لینڈ کا اسکور 6 وکٹوں کے نقصان پر 209 رنز تھا۔

وکٹکیں گرنے کے باوجود مچل ہے نے جارحانہ بلے بازی جاری رکھی اور آخری اوور میں 24 رنز بنائے اور کیویز اننگ کا اختتام 292 رنز 8 کھلاڑیوں کے نقصان پر ہوا۔

پاکستان کی جانب سے محمد وسیم جونیئر اور سفیان مقیم نے 2، 2 وکٹیں لیں جبکہ فہیم اشرف، عاکف جاوید اور حارث رؤف نے ایک، ایک وکٹ لی۔

نیوزی لینڈ کا ایک کھلاڑی رن آؤٹ ہوا۔

خیال رہے کہ میچ کے لیے پاکستانی ٹیم میں 4 تبدیلیاں کی گئی ہیں۔

پاکستانی ٹیم امام الحق ، عبداللہ شفیق ، بابراعظم ، محمد رضوان (کپتان)، سلمان علی آغا، طیب طاہر، فہیم اشرف، محمد وسیم جونیئر، حارث رؤف، سفیان مقیم اور عاکف جاوید پر مشتمل ہے۔

سیریز کا پہلا میچ میں کھیلنے والے عثمان خان، محمد علی،  عرفان خان نیازی اور نسیم شاہ پاکستانی پلینگ الیون میں شامل نہیں۔

اسی طرح نیوزی لینڈ کے اہم بیٹر مارک چیپمین ہیم اسٹرنگ انجری کے باعث ٹیم کا حصہ نہیں بن سکے۔

Rhys Mariu نے کیویز کی جانب سے ڈیبیو کیا ہے جبکہ Ben Sears مارک چیمپین کی جگہ نیوزی لینڈ کی ٹیم کا حصہ بنے ہیں۔

واضح رہے کہ نیوزی لینڈ کو 3 میچز پر مشتمل ون ڈے سیریز میں ایک صفر کی برتری حاصل ہے۔