سہیل آفریدی عمران خان کو خوش کرنےکیلئےڈرامے کررہے ہیں،طلال چودھری

وزیر مملکت برائے داخلہ طلال چودھری کا کہنا تھا کہ  خیبر پختونخوا کے نئے وزیر اعلیٰ کی سوچ بچگانہ ہے، وہ بانی پی ٹی آئی عمران خان کو خوش کرنےکیلئےڈرامےکررہےہیں۔

پارلیمنٹ ہاؤس کے باہر میڈیا  سےگفتگو میں طلال چودھری کا کہنا تھا کہ وزیراعلیٰ بدلنے سے دہشت گردی کے خلاف جنگ نہیں رکےگی، خیبر پختونخوا نے خود تو بلٹ پروف گاڑیاں خریدی نہیں، وفاق نے دی تو کہتے ہیں پرانی ہیں، یہ گاڑیاں دہشت گردی کے خلاف جنگ کے لیے دی گئیں ،افسوس ہے اس پر سیاست کی گئی۔

وزیر مملکت برائے داخلہ طلال چودھری نے وزیراعلیٰ خیبر پختونخوا کو ‘بزدار ٹو’قرار دیتے ہوئے کہا ہےکہ ضرورت وزیراعلیٰ نہیں سوچ بدلنےکی ہے۔

طلال چودھری کا کہنا تھا کہ وزیراعلیٰ بدلنے سے دہشت گردی کے خلاف جنگ نہیں رکےگی، خیبر پختونخوا نے خود تو بلٹ پروف گاڑیاں خریدی نہیں، وفاق نے دی تو کہتے ہیں پرانی ہیں، یہ گاڑیاں دہشت گردی کے خلاف جنگ کیلئے دی گئیں ،افسوس ہے اس پر سیاست کی گئی۔

طلال چودھری کا کہنا تھا کہ  خیبرپختنونخوا پولیس کےلیے جدید گاڑیاں فراہم کی تھیں، بلٹ پروف گاڑیاں پولیس کے اعلیٰ افسران استعمال کرتے ہیں، گاڑیاں عالمی معیار کے مطابق ہیں،ایک گاڑی کی قیمت 10 کروڑ روپے ہے،گاڑیوں میں بلٹ اور بم پروف کے تمام لوازمات پورے ہیں، وزیر اعظم شہباز شریف کی ہدایت پر خیبر پختونخوا پولیس کےلیے گاڑیاں دی گئیں، وفاقی حکومت نے مالی مشکلات کے باوجود خیبر پختونخوا پولیس کےلیےگاڑیاں فراہم کیں۔