دبئی کے شاہی خاندان کا جعلی ملازم بھارتی ہوٹل کو 23لاکھ کاچونالگاگیا

ابوظہبی کےشاہی خاندان کا جعلی ملازم 5سٹارہوٹل میں 23 لاکھ روپے کابل بنا کر فرار ہوگیا۔

بھارتی میڈیارپورٹس کے مطابق محمد شریف نام کا شخص دہلی کے 5 اسٹار ہوٹل میں چار مہینے سے ٹھہرا ہوا تھا جس کے قیام کا بل 23 لاکھ روپے تک جا پہنچا۔

پولیس کے مطابق محمد شریف نے خود کو ابو ظہبی کے شاہی خاندان کا ملازم ظاہر کیا تھا۔ ہوٹل انتظامیہ کی جانب سے درج کرائی گئی شکایت کے مطابق محمد شریف نے کمرے سے متعدد قیمتی اشیا بھی چرائیں جن میں چاندی کے برتن اور موتیوں کی ٹرے بھی شامل ہیں۔

بھارتی حکام کا کہنا ہے کہ محمد شریف نے ہوٹل انتظامیہ کو بتایا تھا کہ وہ متحدہ عرب امارات کا رہائشی ہے اور ابوظہبی کے شاہی خاندان کے شیخ فلاح بن زید النہیان کا قریبی ملازم ہے۔ ملزم نے دبئی کا ریذیڈینٹ کارڈ، بزنس کارڈ اور دیگر جعلی دستاویزات بھی دکھائی تھیں۔ پولیس مزید تحقیقات کررہی ہے۔