بھارتی اداکارہ نرگس فخری نے انکشاف کیا ہے کہ امریکہ سے بھارت منتقل ہونے کے بعد اپنے شوبز کیرئیر کے آغاز میں ہی ان پر ہم جنس پرست ہونے کا الزام لگ گیا تھا جس سے پیچھا چھڑانے میں انہیں کافی مشکل پیش آئی۔پاکستانی والد کے ہاں امریکا میں پیدا ہونے اور وہیں بڑی ہونے والی نرگس فخری نے 16 سال کی عمر میں بطور ماڈل کیریئر کا آغاز کیا اور 2011 میں بھارتی فلم انڈسٹری کا رخ کیا۔ نرگس فخری نے ’’راک اسٹار‘‘ سے کیریئر کا آغاز کیا اور مشکل سے اب تک انہوں نے ڈیڑھ درجن کے قریب ہی فلموں میں کام کیا ہے، تاہم وہ اپنی خوبصورتی اور بولڈ اداؤں کی وجہ سے خبروں میں رہتی ہیں اگرچہ نرگس فخری چند سال سے شوبز انڈسٹری سے دور ہیں، تاہم 2020 میں انہوں نے بالی ووڈ فلموں میں واپسی کی اور سنجے دت کے ساتھ تورباز میں دکھائی دی تھیں۔

ایک انٹرویو میں سیکسی ایکٹرس کہلانے والی نرگس فخری نے بتایا کہ کیریئر کے آغاز میں ان سے متعلق بہت ساری غلط خبریں پھیلائی گئیں، اداکارہ نے اعتراف کیا کہ انہیں بھارت کی ثقافت اور یہاں کے لوگوں سے متعلق بہت ساری چیزوں کا علم نہیں تھا اور انکے بہت سارے دوستوں نے انہیں انڈیا جانے سے روکا بھی لیکن وہ اس کے باوجود ہندوستان چلی آئیں۔

نرگس کے مطابق بہت ساری باتیں جو امریکا میں معمولی سمجھی جاتی تھیں، وہ انڈیا میں اور طرح سے لی جاتی تھیں اور ان کا غلط مطلب لیا جاتا تھا، انہوں نے بتایا کہ جب وہ نئی نئی انڈیا آئیں تو ان کے بولڈ لباس کو ناقدین کی جانب سے فحش قرار دیدیا گیا جبکہ ان کے لوگوں سے ملنے جلنے کو بھی غلط انداز میں پیش کیا گیا۔ یاد رہے کہ نرگس کے والد ایک پاکستانی ہیں، انہوں نے بتایا کہ بھارت میں نئی ہونے کی وجہ سے وہ تب بہت سارے مرد حضرات سے باتیں بھی کرتی تھیں تاکہ انڈیا بارے جان سکیں اور تعلقات بنا سکیں لیکن ان کے ہر عمل کو غلط رنگ دے کر پیش کیا جاتا رہا جس کا انہیں سخت افسوس ہے۔

نرگس فخری نے بتایا کہ ان سے متعلق خبریں چلائی جاتیں کہ ان کے تعلقات بالی ووڈ کے تقریبا ًہر مرد اداکار کے ساتھ ہیں، ایک واقعے کا ذکر کرتے ہوئے انہوں نے بتایا کہ ایک خاتون صحافی ان سے ایک تقریب میں ملیں تو ان سے طنزیہ انداز میں پوچھا کہ ان کا بالی ووڈ کے مرد حضرات کے ساتھ وقت کیسا گزر رہا ہے؟ اداکارہ کے مطابق خاتون صحافی نے سوال اس انداز میں کیا کہ جیسے میرے تمام اداکاروں سے رومانوی تعلقات ہیں، نرگس فخری کے مطابق انہیں خاتون صحافی کے سوال پر غصہ آیا اور انہوں نے بھی طنزیہ انداز میں جواب دیا کہ اب وہ اس بات کا انتظار کر رہیں کہ میڈیا والے کب انہیں ’’ہم جنس پرست‘‘ بناتے ہیں۔

اینکر پرسن ارضیٰ خان موت کے منہ سے کیسے واپس آئیں؟

نرگس فخری کے مطابق اگلے ہی دن تمام اخبارات اور ویب سائٹس میں یہ شہ سرخی لگی کہ نرگس فخری ہم جنس پرست بننے کی منتطر ہیں، اداکارہ نے جس خبر کا حوالہ دیا وہ 2012 میں بھارت کی مختلف ویب سائٹس اور اخبارات نے شائع کی تھی۔نرگس فخری نے بتایا کہ بالی ووڈ میں کام کے دوران وہ ذہنی و جسمانی طور پر تھکاوٹ کا شکار ہو چکی تھیں، وہ بیمار پڑ گئی تھیں، انہوں نے بتایا کہ بالی ووڈ کا مطلب ہے کہ ہر وقت صرف کام کیا جائے اور انسان روبوٹ بن جائے۔ نرگس نے بولی ووڈ میں ایک دوسرے سے بازی لینے کے چکر میں مسلسل کام کرتے رہنے کی روایت پر بھی بات کی اور کہا کہ وہ بھی اسی ڈر کی وجہ سے ہر وقت کام کرتی رہتی تھیں کہ کہیں وہ آئوٹ نہ ہو جائیں۔