بلوچستان سے 4 افغان دہشتگرد گرفتار

پاکستانی سکیورٹی فورسز نےبلوچستان میں پاک افغان سرحد کےقریب کامیاب آپریشن کرکے 4 اہم افغان دہشت گردوں کو گرفتار کر کےاسلحہ برآمد کر لیا۔

سکیورٹی ذرائع کےمطابق 5 مارچ 2025 کو بلوچستان کے علاقے توبہ کاکڑی میں آپریشن کیا گیا جس میں 4 اہم دہشت گرد گرفتارکر لیےگئے۔

ذرائع کےمطابق گرفتاردہشت گردوں نےپاکستان میں بڑی دہشت گرد کارروائی کی منصوبہ بندی کا اعتراف بھی کیا ہے۔

ذرائع کا بتانا ہےکہ گرفتار دہشت گردوں سےکلاشنکوفیں،دستی بم اورآتشیں اسلحہ برآمد ہوا۔

پاکستان میں دہشتگردی میں 45 فیصد اضافہ، رپورٹ جاری

گرفتار دہشت گرد نےاعترافی ویڈیو بیان میں بتایا کہ میرا نام اسام الدین اوروالد کا نام گلشاد ہے،میں افغانستان سے آیا ہوں اور ہمارا نظریہ ہماری ٹریننگ ہے۔

دہشت گرد اسام الدین نےبتایا کہ میرے پاس 2 بندوقیں، 2 کلاشنکوف، ایک گرینیڈ اور دیگر اسلحہ تھا، ہم افغانستان سے 3 دن پہلے سرحدی باڑ کےراستے رات میں چوری چھپےپاکستان میں داخل ہوئے، ہم نے آگے پشین جانا تھا۔

سکیورٹی ذرائع کا کہنا ہےکہ گرفتار دہشت گردوں کو مزید تفتیش کیلئے نامعلوم مقام پر منتقل کر دیا گیا ہے، پہلے بھی کئی افغان دہشت گرد سکیورٹی فورسزکے ہاتھوں جہنم واصل ہو چکے ہیں۔