پاکستان میں مزید 4پولیو کیس سامنے آگئے،تعداد32ہو گئی

8 اکتوبر, 2024

پاکستان کے مختلف شہروں میں پولیو کےمزید4 کیس سامنےآ گئے۔رواں سال تعداد32 ہوگئی۔

پولیو کیس جیکب آباد، کراچی کےضلع ملیراورڈیرہ اسماعیل خان میں سامنےآئے ہیں، جیکب آباد کی تحصیل ٹُھل میں32مہینےکی بچی اور18مہینےکابچہ پولیو وائرس سے متاثر ہوا۔

ضلع ملیر کی تحصیل بن قاسم میں72مہینے کا بچہ پولیو سےمتاثرہواہے جب کہ ڈیرہ اسماعیل خان میں22مہینےکابچہ پولیو وائرس کا شکار ہوگیا،جس کےبعد ملک میں رواں سال پولیو سےمتاثرہونےوالےبچوں کی تعداد32ہوگئی۔

پاکستانی حکام اوربین الاقوامی ماہرین نےاکتوبر میں مزید کئی بچوں کےپولیو سے متاثرہونےکاخدشہ ظاہرکیاہے۔