50 سال تک پانی کی بجائے کوک پی کر زندہ رہنے والا برازیلی شہری

برازیلی شہری نے دعویٰ کیا ہے کہ وہ پچاس برس سے پانی کی جگہ کوک پر زندگی گزار رہا ہے، میڈیا رپورٹس کے مطابق 70 سالہ روبرٹو پیڈریرا نے گزشتہ 50 سالوں سے پانی کا ایک قطرہ نہیں پیا ہے بلکہ صرف کوک پر گزارا کرتے آئے ہیں۔برازیل کی ریاست باہیا سے تعلق رکھنے والے روبرٹو پیڈریرا نے صرف کوکا کولا کو پانی کے متبادل کے طور پر پیتے ہیں۔ کوک سے رابرٹو کی محبت اس قدر ہے کہ ذیابیطس اور دل کے مسائل میں مبتلا ہونے کے باوجود وہ اس کے نقصان سے بےپرواہ ہیں۔رابرٹو کے 27 سالہ پوتے نے بھی اس بات کی تصدیق کی کہ جہاں تک اسے یاد پڑتا ہے ان کے دادا نے کوک کے علاوہ کبھی کچھ اور نہیں پیا۔ روبرٹو کا کہنا تھا کہ میں مائع دوا بھی نہیں لیتا اور براہ کرم کوئی اصرار بھی نہ کرے۔ میں پانی نہیں پیتا صرف کوک زیرو پیتا ہوں۔میں پانی سے اس قدر نفرت کرتا ہوں کہ نصف صدی تک میں نے اسے ہاتھ تک نہیں لگایا۔ صحت کے سنگین مسائل سے دوچار ہونے کے باوجود ان کا کہنا ہے کہ اگر کوک اس کے لیے بری ہوتی تو اب تک وہ ہلاک ہوچکے ہوتے۔ کتنے ہی ڈاکٹروں نے مجھے پانی پینے کی تجویز دی لیکن میں اس پر عمل نہیں کرتا۔ میں اپنی دوا بھی کوک کے ساتھ لیتا ہوں۔