پی ٹی آئی کے لانگ مارچ کے راولپنڈی پہنچنے کا نیا شیڈول جاری
سیکرٹری جنرل پی ٹی آئی اسد عمر نے عمران خان کی قیادت میں تحریک انصاف کے لانگ مارچ کے راولپنڈی پہنچنے کا نیا شیڈول جاری کر دیا گیا ہے۔
پی ٹی آئی رہنما اسد عمر نے سوشل میڈیا پر بیان دیا کہ حقیقی آزادی مارچ کے نئے شیڈول کے مطابق عمران خان 10 نومبر کو راولپنڈی پہنچیں گے۔ اسد عمرنے مزید لکھا کہ 11 نومبر کو تمام قافلے اسلام آباد پہنچیں گے۔
یاد رہے کہ پاکستان تحریک انصاف نے 28 اکتوبر کو عمران خان کی قیادت میں لاہور سے حقیقی آزادی مارچ شروع کیا تھا اور پی ٹی آئی کا قافلہ کل گوجرانوالہ پہنچا تھا۔
