فیض حمیدنے ثبوت دےدیئے،عمران خان کوکیسےچھوڑاجاسکتاہے،فیصل واوڈا

سینیئر سیاستدان اور سینیٹر فیصل واوڈا کاکہنا ہے کہ سابق ڈی جی آئی ایس آئی فیض حمید نے ثبوت دےدیئے،اب عمران خان کوکیسےچھوڑا جا سکتا ہے۔

سینیئر سیاستدان اور سینیٹر فیصل واوڈا کانجی ٹی وی سے گفتگو میں کہنا تھا کہ  فیض حمید سے امید لگانے اور سول نافرمانی کی تحریک چلانے والوں کے غبارے سے ہوا نکل چکی ہے،یہ سمجھتے تھے کہ فیض حمید انہیں بچا لیں گے۔

فیضل واوڈانے کہاکہ  علی امین گنڈا پور ’مولاجٹ‘ کی سیاست کررہے ہیں، حشر ایسا ہو گا کہ دُنیا کان پکڑے گی۔

سینیٹر فیصل واوڈا نے کہا کہ جنرل ریٹائر فیض حمید نےثبوت بھی دے دیے ہیں اور گواہی بھی دے دی ہے، اب تو فیض حمید سےاُمید لگائے بیٹھے لوگوں کے غبارے سے ہوا نکل چکی ہے۔

سابق وزیرنے کہا کہ یہ سب کیلئےعبرت کی بات ہےکہ ایک طاقتور کا بھی احتساب ایسے ہورہا ہے جیسے کسی عام آدمی کا ہو رہاہو۔9 مئی کے واقعات پر ہی فیض حمید کا کورٹ مارشل ہوا ہے اب جب سب کچھ سامنےآ گیا ہے تو پھر بانی پی ٹی آئی عمران خان کیسے بچیں گے۔

فیصل واوڈانےجنرل ریٹائر فیض حمید کےخلاف کارروائی کو پاکستان کے مستقبل کے لیے نیک شگون قرار دیتےہوئے کہا کہ ایسے فیصلوں سے ملک میں استحکام آئے گا، لیکن بانی پی ٹی آئی کی آزمائش میں مزید اضافہ ہوگا۔

سینیٹر فیصل واوڈانےکہا کہ ایسا احتساب خوش آئند ہے یہ ایک انتہائی اچھا کام ہوا ہے، پی ٹی آئی معاملات کو تباہی کی طرف لےجا رہی تھی، یہ 14 دسمبر سے سول نافرمانی کا پلان بنا رہے تھے لیکن اب ان کےغبارے سے ہوا نکل گئی ہے۔

سابق وزیر فیصل واوڈا نے9 مئی کےواقعات کو ملک کےخلاف سوچی سمجھی سازش قرار دیتے ہوئے کہا کہ بانی پی ٹی آئی کے لیے آزمائش،امتحان، مسئلے مسائل اس حدبڑھ رہےہیں اور میں انہیں اس سےباربارروک رہاتھا۔بشریٰ بی بی بھی اس کا حصہ ہیں، بانی پی ٹی آئی عمران خان کوجان سےمارنےکی کوشش ہوگی یہ بھی کہہ رہاتھا، بشریٰ بی بی اور ان کے حواریوں سےمتعلق باربار آگاہ کررہا تھا۔

فیصل واوڈانےکہا کہ اب باقی بھی اس سےنہیں بچ سکیں گے،یہ ابہام دور ہونا چاہیے کہ فوج کے بڑے پوزیشن ہولڈر آدمی کےساتھ جورہا ہےاورصحیح ہورہا ہے، ایسا نہیں ہوسکتا ایک کا ٹرائل ہورہاہے اوردیگرحواری بچ جائیں گے، مراد سعید، بیگم صاحبہ،حماداظہراور دیگر حواری نہیں بچ سکیں گے۔

فیصل واوڈا نے کہا کہ پاکستان تحریک انصاف مار دھاڑ کی سیاست کر رہی تھی، اب یہ سب شکجنجے میں آئیں گے، کوئی ہی مت سمجھے کہ اسےچھوڑ دیا جائے گا، فیض حمید سب کےثبوت دے رہا ہے،مراد سعید،حماد اظہر اور فرح گوگی کب تک بھگوڑے بنے رہیں گے۔

سابق وزیر فیصل واوڈا نےخبردار کیا کہ سب کو عبرت حاصل کرنی چاہیے کہ اب کوئی سیاستدان یا فوجی، عام پاکستانی عوام یا اس ملک کےساتھ کوئی دھوکا یا کھیل نہیں کھیل سکتا۔انہوں نے کہا کہ فوج کےساتھ گیم کرکے پاکستان کی جڑیں کمزور کرنے والوں کو پیغام مل گیا ہے کہ اب انسان بن جاؤ، اب سب کو بات چیت کے ذریعے راستہ نکالنا ہوگا، جنہوں نے گناہ کیے ہیں ان کو معافی بھی نہیں ملنی چاہیے۔