ایسا طوفان جو پوری زمین کو نگل سکتا ہے
آپ میں سےبہت سےلوگوں نےسیارہ مشتری پر دیوہیکل سرخ دھبہ دیکھا ہوگالیکن کیا آپ جانتے ہیں کہ یہ زمین پر کیسے اثرانداز ہوسکتا ہے۔
سیارہ مشتری پرایک بہت بڑا طوفان جسےگریٹ ریڈ اسپاٹ کہتےہیں، اتنا بڑا ہےکہ ہماری پوری زمین کو نگل لے۔
یہ رنگ میں عام طور پر سرخی مائل، شکل میں قدرے بیضوی اور تقریباً 16,350 کلومیٹر چوڑا ہوتا ہےجو زمین کو گھیرے میں لےسکتا ہے۔
اسرائیل میں قدیم مصری تعویذ دریافت
یہ سیارےکےطول البلد میں حرکت کرتا ہے بالکل اسی رُخ پر جس پر مشتری گھومتا ہے۔
گریٹ ریڈ اسپاٹ کا پہلاریکارڈ 1831 میں جرمن ماہر فلکیات سیموئیل ہینرک شوابے کی بنائی گئی ایک ڈرائنگ سے ملتا ہے۔ لیکن یہ سرخ دھبہ 1878 سے مسلسل دیکھا جا رہا ہے جب اسےامریکی ماہر فلکیات کار والٹرپرٹچیٹ نے پہلی بار بیان کیا۔
زمین سےدوربینوں کےذریعےدیکھے جانےوالا اس دھبے کا رنگ سال بہ سال سرخ سےسرمئی ہوتا رہتا ہے۔ یہ اس وقت ہوتا ہے جب یہ ارد گرد کے رنگ کے بادلوں کی پٹیوں میں مِل جاتا ہے۔
19ویں صدی کےآخر میں اس جگہ کی لمبائی تقریباً 48,000 کلومیٹر (30,000 میل) تھی لیکن تب سے یہ جگہ سکڑتی جا رہی ہے۔ وائجر خلائی جہاز نے 1979 میں اس جگہ کی لمبائی 23,000 کلومیٹر ناپی جبکہ 2012 کے بعد سے یہ جگہ زیادہ گول ہو گئی ہےاورتقریباً 900 کلومیٹر فی سال کی تیزی سے سکڑ رہی ہے۔
