کرونا وائرس: پنجاب کے بعد سندھ میں بھی ایمرجنسی نافذ

وائرس سے بچاؤ کے لیے سخت اقدامات کرتے ہوئے حکومت سندھ نے تین ہفتے تک صوبے بھر میں ایمرجنسی نافذ کرنے کا اعلان کیا ہے۔
سندھ حکومت کی جانب سے جلسے، جلوس، اجلاس، مجالس، عرس، برسی اور کھیلوں کی سرگرمیوں پر پابندی لگادی گئی۔تقریبات یا اجتماعات کے لیے بھی اجازت نامے منسوخ کردیے گئے ہیں جبکہ تعلیمی ادارے بھی بند رکھنے کا فیصلہ کیا ہے۔شادی ہالز بند اور سنیما گھروں میں فلموں کی نمائش پر پابندی عائد کردی گئی ہے اس کے علاوہ پکنک اسپاٹس، پبلک پارکس، ساحل سمندر، واٹر پارکس، پلے لینڈز، جمنازیم، سوشل کلبس میں بھی تقریبات کرنے کی اجازت نہیں ہوگی۔
اس کے علاوہ صوبے بھر میں درس گاہیں، مدارس اور مزارات بھی عارضی طور پر بند کرنے کے احکامات جاری کر دیئے گئے ہیں۔
گزشتہ روز اسلام آباد میں ایک اور کراچی اور بلوچستان میں کرونا وائرس کے مزید 2،2 کیسز سامنے آنے کے بعد ملک میں مریضوں کی مجموعی تعداد 33 ہو گئی ہے جب کہ دو مریض صحتیاب ہو چکے ہیں.
یاد رہے کہ اس سے قبل سندھ حکومت کرونا وائرس کی وجہ سے تمام تعلیمی ادارے 31 مئی تک بند کرنے کا اعلان کر رکھا ہے.