کراچی صارفین کیلئے بجلی 1 روپے 52 پیسے فی یونٹ مہنگی
حکومت نے نیپرا کی درخواست پر کراچی کے صارفین کے لیے بجلی ایک روپے 52 پیسے فی یونٹ مہنگی کر دی ہے، اضافی سرچارج عائد کرنے کی بھی منظوری دے دی گئی۔
اس حوالے سے جاری اعلامیہ میں بتایا گیا کہ نیپرا نے منظوری کے بعد فیصلہ وفاقی حکومت کو بجھوا دیا ہے، اس میں یہ بھی کہا گیا کہ کراچی کیلئے بجلی کی تقسیم کار کمپنی کےالیکٹرک صارفین پر اضافی سرچارج دسمبر 2023 سے نومبر 2024 تک لاگو رہے گا۔
اضافی سرچارج سے کےالیکٹرک کے صارفین پر 24 ارب 50 کروڑ روپے سے زائد کا بوجھ پڑے گا۔ وفاقی حکومت سرچارج عائد کیے جانے کا حتمی نوٹیفکیشن جاری کرے گی۔
نیپرا اعلامیہ میں کہا گیا کہ اضافے کا اطلاق کےالیکڑک کے لائف لائن صارفین پر نہیں ہوگا۔
