انگلینڈ نےتاریخ کا منفرد ترین ریکارڈ بنالیا

انگلینڈ کی ٹیم نے ٹیسٹ کرکٹ میں5 لاکھ رنزبنانےوالی پہلی ٹیم بن کر اس کھیل کی 147 سالہ تاریخ میں ایک منفردسنگ میل عبور کرلیا۔

 کارنامہ  انگلینڈ نے نیوزی لینڈ کے خلاف ویلنگٹن میں سیریز کے دوسرے ٹیسٹ کے دوران انجام دیا۔

انگلینڈ نے اپنے ایک ہزار82 ویں ٹیسٹ میچ میں یہ شاندار ریکارڈ قائم کیا ہے۔ ان کے پاس ٹیسٹ کرکٹ میں سب سےزیادہ سینچریوں کاریکارڈ بھی ہےجن کی تعداد 929 ہیں۔سینچریوں کےاس ریکارڈ میں717 کھلاڑیوں نےاپناحصہ ڈالا ہے۔

سب سے زیادہ رنز کے اعتبار سے انگلینڈ کےبعد اس کاروایتی حریف آسٹریلیا آتا ہے جس نے 4 لاکھ 28 ہزار ٹیسٹ رنز بنائے ہیں جب کہ بھارت2لاکھ78 ہزار751 رنز کے ساتھ تیسرے پائیدان پر ہے۔

جو روٹ ریڈ بال فارمیٹ میں انگلینڈ کی جانب سےسب سے زیادہ رنز بنان والے کھلاڑی ہیں جنہوں نے151 ٹیسٹ میچوں میں51 کی اوسط سے12 ہزار853 رنز بنائےجن میں35 سینچریاں اور65 نصف سینچریاں شامل ہیں۔