غیرقانونی طور پر مقیم غیرملکیوں کو اسلام آباد میں رہنے کی اجازت نہیں دی جائے گی، وزیرداخلہ
وفاقی وزیرداخلہ محسن نقوی نے واضح کیا ہے کہ قانونی دستاویزات کےحامل کسی غیر ملکی کو اسلام آباد سے نہیں نکالا جارہاتاہم غیر ملکیوں کو غیر قانونی طور پر وفاقی دارالحکومت میں رہنےکی اجازت نہیں دی جائے گی۔
وزیر داخلہ سےامریکاکی قائمقام سفیر نیٹلی بیکر نے ملاقات کی، ملاقات میں پاک امریکا تعلقات سمیت دوطرفہ تعاون بڑھانےپرتبادلہ خیال کیا گیا جب کہ قائمقام امریکی سفیر نے اسلام آباد میں پولیس اور رینجرز اہلکاروں کی شہادت پر تعزیت کا اظہار کیا۔
ملاقات میں پاک امریکا تعلقات سمیت دو طرفہ تعاون بڑھانے پر تفصیلی تبادلہ خیال کیا گیاجب کہ پاکستان میں آئی سی سی چیمپیئنز ٹرافی ٹورنامنٹ کےانعقاد پر بھی گفتگو کی گئی جب کہ نیٹلی بیکر نے ایونٹ کی کامیابی کے لیےنیک خواہشات کا اظہار کیا۔
توہین عدالت کیس: نوٹس جاری کیا تو عمران خان کو پیش کرنا پڑے گا ، آئینی بینچ
ملاقات میں اس بارپربھی اتفاق کیا گیا کہ امریکا ایف آئی اے کو ایف بی آئی کی طرزپر جدید خطوط پر استوار کرنے میں تعاون فراہم کرےگا۔
اس موقع پرمحسن نقوی نے کہا کہ ایف آئی اے کو ایف بی آئی کی طرز پرجدید ترین ادارہ بنانا چاہتے ہیں، اس ضمن میں امریکا کےتعاون کا خیر مقدم کریں گے، امریکا نیشنل فرانزک ایجنسی کوجدید تقاضوں کے مطابق فعال کرنے میں معاونت فراہم کرے۔
انہوں نےکہا کہ قانون نافذ کرنے والے اداروں کی استعدادکار بڑھانےمیں امریکی تعاون انتہائی اہمیت کا حامل ہے، دہشت گردی اورہنگامی حالات سے نمٹنے کے لیے سول آرمڈ فورسز کو جدید آلات اورساز وسامان کی فراہمی وقت کی اہم ضرورت ہے۔
ان کا کہنا تھاکہ قانونی دستاویزات کے حامل کسی بھی غیر ملکی کو اسلام آباد سےنہیں نکالا جا رہا لیکن غیر قانونی طور پر مقیم غیر ملکیوں کو رہنےکی اجازت ہرگز نہیں دی جائے گی۔
دوسری جانب، امریکی قائم مقام سفیر کا کہنا تھا کہ قانون نافذ کرنے والےاداروں میں خواتین کی نمائندگی بڑھانے پر پاکستانی حکام کےساتھ ملکر کام کررہے ہیں۔
