عمران خان سے بہن نورین نیازی کی ملاقات کرادی گئی

اڈیالہ جیل میں نورین نیازی کی بانی پی ٹی آئی عمران خان سے ملاقات کرادی گئی۔

ذرائع کے مطابق  بانی پی ٹی آئی عمران خان اور نورین نیازی کی ملاقات کانفرنس روم میں ہوئی۔

جیل ذرائع کے مطابق  ملاقات میں صحت اور دیگر امورپرگفتگو کی گئی، نورین نیازی نے بانی پی ٹی آئی عمران خان  کو سپریم کورٹ کےحکم سے آگاہ کیا۔

ذرائع کے مطابق نورین نیازی کی بانی پی ٹی آئی عمران خان  سے 30 منٹ تک ملاقات جاری رہی۔

نورین نیازی بانی پی ٹی آئی عمران خان سے ملاقات کے بعد داہگل ناکے پہنچ گئیں جہاں انہوں نے میڈیا سے گفتگو کرنے سے انکار کردیا۔

صحافی کے سوال پرنورین نیازی نے صرف ملاقات ہونےکی تصدیق کی اورکہا کہ ملاقات ہوگئی ہے۔

علیمہ خان اور عظمیٰ خان، نورین نیازی کی گاڑی میں بیٹھ کر روانہ ہوگئیں۔