ایران امریکامعاہدہ،چین نےپاکستانی ثالثی کی تعریف کردی
چینی وزارت خارجہ کے ترجمان نے ایران اور امریکا کے مابین معاہدہ پرپاکستان کے کردار کی تعریف کرتے ہوئے کہا کہ بیجنگ پاکستان کی ثالثی اور سفارتی کوششوں کو سراہتا ہے، جنہوں نے دونوں ممالک کے درمیان مذاکراتی عمل کو آگے بڑھانے میں اہم کردار ادا کیا۔
چینی وزارت خارجہ کے ترجمان نے بیجنگ میں میڈیا بریفنگ کے دوران کہا کہ آبنائے ہرمز بین الاقوامی بحری آمدورفت کے لیے انتہائی اہم گزرگاہ ہے اور چین امید کرتا ہے کہ اسے جلد از جلد مکمل طور پر کھول دیا جائے گا تاکہ عالمی تجارت اور توانائی کی ترسیل معمول پر آ سکے۔
چین نے آبنائے ہرمز کو فوری طور پر دوبارہ کھولنے کا مطالبہ کرتے ہوئے امریکا اور ایران کے درمیان ہونے والی ابتدائی مفاہمتی پیش رفت کا خیرمقدم کیا ہے اور اس عمل میں پاکستان کی سفارتی کوششوں کو سراہا ہے۔
ترجمان چینی وزارت خارجہ نےامریکا اور ایران کے درمیان ابتدائی مفاہمتی یادداشت کے متن پر اتفاق کو مثبت پیش رفت قرار دیتے ہوئے کہا کہ چین اس پیش رفت کا خیرمقدم کرتا ہے۔
چینی وزارت خارجہ کےترجمان نے پاکستان کے کردار کی تعریف کرتے ہوئے کہا کہ بیجنگ پاکستان کی ثالثی اور سفارتی کوششوں کو سراہتا ہے، جنہوں نے دونوں ممالک کے درمیان مذاکراتی عمل کو آگے بڑھانے میں اہم کردار ادا کیا۔
چین کا کہنا ہے کہ خطے میں کشیدگی کے خاتمے اور مذاکرات کے فروغ سے نہ صرف مشرق وسطیٰ بلکہ عالمی معیشت کو بھی فائدہ پہنچے گا۔ بیجنگ نے ایک بار پھر تمام فریقین پر زور دیا کہ وہ تنازعات کے حل کے لیے سفارت کاری اور مذاکرات کا راستہ اختیار کریں۔
