لاہور قلندرزتیسری بارپی ایس ایل کی فاتح بن گئی

کوئٹہ گلیڈی ایٹرزکوشکست،لاہورقلندرزکی ٹیم تیسری بار پی ایس ایل کی فاتح بن گئی۔

پی ایس ایل 10 کے فائنل میں لاہور قلندرز  نے دلچسپ مقابلےکے بعد کوئٹہ گلیڈی ایٹرز کو 6 وکٹوں سے شکست دے دی۔لاہور میں کھیلےگئے میچ میں کوئٹہ گلیڈی ایٹرز نے لاہور قلندرز کے خلاف ٹاس جیت کر بیٹنگ کا فیصلہ کیا۔کوئٹہ نے پہلےکھیلتے ہوئے مقررہ 20 اوورز میں 9 وکٹ کے نقصان پر 201 رنز بنائے۔

کوئٹہ کی جانب سے حسن نواز نے 43 گیندوں پر 76 رنز کی اننگز کھیلی، فرنینڈو نے 29 اور چندیمیل نے 22 رنز بنائے۔ فہیم اشرف 8 گیندوں پر 28 رنز کی دھواں دھار  اننگز کھیل کر آؤٹ ہوئے۔

لاہور قلندرز کی جانب سے شاہین آفریدی نے 3، سلمان مرزا اور حارث رؤف نے 2،2 وکٹیں حاصل کیں۔

لاہور قلندرز نے سنسنی خیز مقابلےکے بعدکوئٹہ گلیڈی ایٹرز کو شکست دے کر تیسری بار پی ایس ایل کی فاتح بن گئی۔

لاہور قلندرز کی جانب سے کوشال پریرا نے ناقابل شکست 62 رنز بنائے، ان کی اننگ میں 4 چھکے اور 5 چوکے شامل تھے۔

پی ایس ایل ٹین میں دونوں ٹیموں کے درمیان ہونے والا پہلا میچ قلندرز نے 79 رنز سے جیتا لیکن دوسرا میچ بارش کی نذر ہوگیا ۔ پاکستان سپر لیگ میں دونوں کے درمیان 19 میچز ہوچکے ہیں  اور دونوں ٹیمیں 9، 9 بار فاتح رہیں ایک میچ بے نتیجہ رہا۔

فخر زمان 442 رنز بناکر قلندرز کے کامیاب ترین بیٹر ہیں جبکہ کوئٹہ کے سابق کپتان اور موجودہ ٹیم ڈائریکٹر سرفراز احمد نے لاہور قلندرز کے خلاف 357 رنز بنائے۔

گلیڈی ایٹرز کےاسکواڈ میں سعود شکیل (کپتان)، فن الین، رلی روسو، حسن نواز، فرنانڈو، دنیش چندیمال، فہیم اشرف، محمد وسیم، محمد عامر، عثمان طارق اور ابرار احمد شامل تھے۔

قلندرز کےاسکواڈ میں فخر زمان، محمد نعیم، عبداللہ شفیق، پریرا، راجہ پاکسا، آصف علی، شاہین آفریدی (کپتان)، شکیب الحسن، راشد حسین، حارث رؤف ، سلمان مرزا، جہاں داد خان، زمان خان، محمد اخلاق، ڈیرل مچل، محمد آزاب، آصف آفریدی شامل  تھے۔