مریم نواز کی وزیراعظم شہباز شریف سے ملاقات
مسلم لیگ ن کی چیف آرگنائزر اور سینئر نائب صدر مریم نواز نے وزیراعظم شہباز شریف سے ملاقات کی اور پارٹی امور پر تبادلہ خیال کیا۔
(ن) لیگ کے پارٹی ذرائع کے مطابق وزیراعظم شہباز شریف اور مریم نواز نے شاہد خاقان عباسی کے تحفظات دور کرنے ناراض پارٹی رہنماؤں کو منانے کا فیصلہ کیا۔
ملاقات میں شاہد خاقان عباسی کے استعفے، ضمنی انتخابات اور پنجاب و خیبرپختونخوا کے ممکنہ انتخابات کےحوالے سے تبادلہ خیال کیا گیا۔ دونوں رہنماوں نے پارٹی کی تنظیم سازی اور ملک بھر میں مریم نواز کے جاری ورکرز کنونشنز کے انعقاد پرمشاورت سمیت پارٹی کے دیگر امور سے متعلق بات چیت کی۔
شہباز شریف کا کہنا تھا کہ بھرپور تیاری کے ساتھ انتخابات میں حصہ لیں گے۔ لیگی کارکنوں کے لیے انتخابات کے حوالے سے شہباز شریف جلد پیغام جاری کریں گے۔
مریم نواز کی وزیراعظم شہباز شریف سے ملاقات
