ورکروں کوکم از کم37 ہزار روپے ماہانہ ادائیگی یقینی بنائی جائے، مریم نواز

وزیراعلیٰ پنجاب مریم نواز کا کہنا ہے کہ صوبے کو مزدوروں کی فلاح وبہبود سےمتعلق مثالی صوبہ بنانےکا عزم رکھتے ہیں۔ورکروں کوکم از کم37 ہزار روپے ماہانہ ادائیگی یقینی بنائی جائے۔

مزدوروں کی فلاح وبہبود کیلئےمشاورتی اجلاس ہوا جس میں وزیراعلیٰ پنجاب مریم نواز نے پلان طلب کرتے ہوئے اہم منصوبوں کی منظوری دے دی، اس کےساتھ ہی مریم نواز نے پنجاب بھرمیں لیبرکالونیاں بنانے کے لیے بھی پلان طلب کر لیا۔

اس موقع پرمریم نواز کا کہنا تھا کہ پنجاب بھر میں ورکروں کوکم از کم37 ہزار روپےماہانہ ادائیگی یقینی بنائی جائے اور سوشل سکیورٹی اسپتالوں کی ری ویمپنگ کی جائے۔

اس کےعلاوہ اجلاس میں فیصلہ ہوا کہ لاہور اور راولپنڈی اسلام آباد میں پری اسکینگ کیلئے مریم نواز ویلنس سینٹر بنیں گے، مریم نواز ویلنس سینٹر میں مریضوں کو اسکریننگ کےبعد بڑے اسپتال میں ریفر کیا جائے گا، لاہورڈیفنس روڈ پر 200 بیڈ کےرحمت اللعالمین کارڈیالوجی سینٹر بنانےکا اصولی فیصلہ بھی کیا گیا اور رحیم یار خان میں 50 بیڈ کے نئے سوشل سکیورٹی اسپتال کی اصولی منظوری دی گئی۔

اوورسیز پاکستانیوں کے پاسپورٹ بلاک کرنے کا نوٹس لے لیا گیا ، فوری انکوائری کا حکم

اجلاس میں وزیراعلیٰ پنجاب نے مزدوروں کی فلاح وبہبود کیلئےلیبر لاز  میں ترامیم کی ہدایت کرتے ہوئے کہا کہ پنجاب کو مزدوروں کی فلاح وبہبود سےمتعلق مثالی صوبہ بنانےکا عزم رکھتے ہیں، مزدور کی اجرت، علاج معالجہ، بہترروزگار، اپنی چھت حکومت کی ذمہ داری ہے۔

مریم نواز کا کہنا تھاکوئی مزدوربھوکا نہ سوئے،کسی کو دکھ اورپریشانی نہ ہو،مزدوروں کے بچوں کیلئے اعلیٰ تعلیم کے بہتر مواقع مہیا کررہے ہیں۔