پاکستان سٹاک مارکیٹ شدید مندی کے بعد بحالی کی جانب گامزن
پاکستان سٹاک مارکیٹ گزشتہ روز کی شدید مندی کےبعد آج بحالی کی جانب گامزن ہے،کاروبار کے دوران ہنڈرڈ انڈیکس میں 1700 سےزائد پوائنٹس کا اضافہ ریکارڈ کیا گیا ہے۔
پاکستان اسٹاک ایکسچینج کی ویب سائٹ کے طابق کاروبار کےدوران 11 بجکر 03 منٹ پر بینچ مارک ہنڈرڈ انڈیکس 1782 پوائنٹس اضافےسےایک لاکھ 16 ہزار 692 کی سطح پر پہچ گیا۔
واضح رہےکہ گزشتہ روزامریکی صدر ڈونلڈ ٹرمپ کے ٹیرف کےنفاذ کےجواب میں چین کی جانب سے امریکا پر بھاری محصولات عائد کیے جانےکے بعد عالمی تجارتی جنگ کے خدشات کے پیش نظر پاکستان اسٹاک ایکسچینج میں کے ایس ایس 100 انڈیکس میں 3 ہزار 882 پوائنٹس کی کمی ریکارڈ کی گئی تھی۔
مفتاح اسماعیل کی امریکی ٹیرف سے نمٹنے کےلیے امریکا سے مزید درآمدات بڑھانے کی تجویز
شدید مندی کی وجہ سے کاروبار 45 منٹ کےلیے روکنا پڑا تھا، کاروباری دن کےاختتام پر ہنڈرڈ انڈیکس ایک لاکھ 14 ہزار 909 پوائنٹس پر بند ہوا تھا۔
برطانوی نشریاتی ادارےکےمطابق چین کی جانب سے ٹرمپ کےمحصولات پر ’آخری دم تک لڑنے‘ کے اعلان کے بعد اہم ایشیائی مارکیٹوں میں مثبت رجحان دیکھا جارہا ہے۔
امریکی صدرڈونلڈ ٹرمپ کی جانب سے جوابی ٹیکس واپس نہ لینےکی صورت میں بیجنگ پر اضافی 50 فیصد ٹیرف عائد کرنےکی دھمکی کے بعد چین کا کہنا ہے کہ وہ ’آخری دم تک لڑے گا۔
بیجنگ کی وزارت تجارت نےٹرمپ انتظامیہ پر بلیک میلنگ کا الزام عائد کیا ہےاور کہا ہےکہ ان کےمحصولات ایک عام یکطرفہ غنڈہ گردی کا عمل ہے۔
