پی سی بی کا 2025-26 کے سینٹرل کنٹریکٹس کا اعلان، 12 نئے کھلاڑی شامل
پاکستان کرکٹ بورڈ (پی سی بی) نے 2025-26 سیزن کے لیے سینٹرل کنٹریکٹس کا اعلان کر دیا، جس کے تحت 30 کھلاڑیوں کو کنٹریکٹ دیے گئے ہیں۔ یہ کنٹریکٹس یکم جولائی 2025 سے 30 جون 2026 تک مؤثر رہیں گے۔
پی سی بی کے مطابق، اس بار پرفارمنس کی بنیاد پر کیٹیگری بی، سی اور ڈی میں دس، دس کھلاڑیوں کو شامل کیا گیا ہے۔ پچھلے سال کے مقابلے میں اس بار کھلاڑیوں کی تعداد میں اضافہ کیا گیا ہے—2024-25 میں 25 کھلاڑی کنٹریکٹ یافتہ تھے جبکہ رواں سال یہ تعداد بڑھا کر 30 کر دی گئی ہے۔
12 نئے کھلاڑی شامل:
اس سال 12 نئے کھلاڑی سینٹرل کنٹریکٹ حاصل کرنے میں کامیاب رہے جن میں احمد دانیال، فہیم اشرف، حسن علی، حسن نواز، حسین طلعت، خوشدل شاہ، محمد عباس، محمد حارث، محمد نواز، صہیبزادہ فرحان، سلمان مرزا اور صوفیان مقیم شامل ہیں۔
نو کھلاڑی اپنی سابقہ کیٹیگریز برقرار رکھنے میں کامیاب رہے، جبکہ آٹھ کھلاڑی ایسے بھی ہیں جو اس سال کنٹریکٹ حاصل نہ کر سکے۔
