پی سی بی کی جانب سے جنوبی افریقی کرکٹر پر ایک سال تک پی ایس ایل کھیلنے پر پابندی عائد

پاکستان کرکٹ بورڈ (پی سی بی) نے جنوبی افریقی کرکٹر کوربن بوش کےایک سال تک پاکستان سپرلیگ (پی ایس ایل) کھیلنےپر پابندی عائدکردی۔

کوربن بوش نےپاکستان سپر لیگ کےساتھ معاہدےکی خلاف ورزی کی تھی۔انہوں نے معاہدے کے باوجود بھی پی ایس ایل کھیلنے سےانکارکیا تھا۔ کوربن بوش نےپی ایس ایل پر ایک اور لیگ کو ترجیح دی تھی۔

پی ایس ایل 10 : افتتاحی تقریب آج راولپنڈی میں ہوگی

پی سی بی کےمطابق کوربن بوش پاکستان سپر لیگ کا اگلا ایڈیشن کھیلنےکے اہل نہیں ہوں گے۔ جنوبی افریقی آل راؤنڈر پر مالی جرمانہ بھی عائد کیا گیا ہے۔

پاکستان کرکٹ بورڈ نےنان ڈسکلوزر ایگریمنٹ کی وجہ سےجرمانےکی رقم بتانے سےگریز کیا ہے۔

آل راؤنڈر کوربن بوش نےپی سی بی کی عائد کردہ سزا اورجرمانہ قبول کرلیا ہے۔

کوربن بوش کا کہنا ہے کہ میں اپنےکیے پر شرمندہ اور پاکستانی فینز سےمعذرت خواہ ہوں، پشاور زلمی کے فینز کو مایوس کرنے پر معافی مانگتا ہوں، اپنے عمل کی تمام تر ذمہ داری اوراس پر سزا کو قبول کرتا ہوں۔