صدرمملکت کی جے یو آئی کومدارس بل کا معاملہ جلد حل کرنے کی یقین دہانی
صدر مملکت آصف علی زرداری نے مدارس بل کے معاملے پر مولانا فضل الرحمان کے تحفظات دور کرنے اور معاملہ جلد از جلد حل کرنے کی یقین دہانی کرادی۔
جےیوآئی کے وفد نے لاڑکانہ میں مولانا راشد محمود سومرو کی قیادت میں صدر مملکت آصف علی زرداری اور بلاول بھٹو سے ملاقات کی۔
جے یوآئی سندھ کےسیکریٹری جنرل علامہ راشد محمود سومرو کی نیو ڈیرو ہاؤس لاڑکانہ میں صدرآصف علی زرداری اورچیئرمین پاکستان پیپلزپارٹی بلاول بھٹو زرداری کے ساتھ ملاقات کی۔مدارس بل،سندھ کے امن امان، ملکی وعلاقائی اور سیاسی صورتحال پرتفصیلی گفتگو کی گئی۔
ملاقات میں جمعیت علماء اسلام ضلع لاڑکانہ کےامیر مولانا ناصرمحمود سومرو، پاکستان پیپلزپارٹی خواتین ونگ کی صدر محترمہ فریال تالپور بھی موجود تھیں۔
صدر مملکت آصف علی زرداری اوربلاول بھٹو زرداری نےمدارس بل پرمولانا فضل الرحمان کےخدشات کوجلدختم کرکے وعدےکےمطابق مدارس رجسٹریشن بل کا معاملہ جلد ازجلد حل ہونےکی یقین دہانی کروائی۔
مولانا راشدمحمود سومرو نے سندھ میں امن و امان کی بدترین امن امان کی صورتحال پرتشویش کا اظہار کیااور کہا کہ صوبے بھر میں عوام کے جان ، مال عزت و آبرو کے تحفظ کو یقینی بنایا جائے۔
بلاول بھٹو زرداری نےامن وامان کی بحالی کیلئےسندھ حکومت اور سندھ پولیس کو ہر ممکن اقدامات اٹھانے کی فوری ہدایات جاری کی۔
ملاقات میں اراکین سندھ اسمبلی جمیل احمدسومرو، سہیل انور خان سیال، مولانا طاہر محمود سومرو، مولانا طارق محمودسومرو، عطاء الرحمن سومرو اور ڈاکٹر شفیق الرحمان سومرو بھی موجود تھے۔
جے یو آئی وفد نےڈاکٹر خالد محمود سومرو کےقاتلوں کو سزا ملنے رصدر مملکت آصف علی زرداری نےان کے فرزندان کو مبارکبادپیش کی اورتمام ورثاءکے صبر پر انکو خراج تحسین پیش کیا۔
علامہ راشد محمود سومرو نےشہید والد کے قاتلوں کی گرفتاری میں سندھ حکومت کے تعاون اور سندھ پولیس کے کردار کو سراہا۔
