پی ایس ایل 10 : افتتاحی میچ میں اسلام آباد یونائیٹڈ نے لاہور قلندرز کو 8 وکٹوں سے شکست دے دی

ایچ بی ایل پی ایس ایل 10 کےافتتاحی میچ میں اسلام آباد یونائیٹڈ نے ٹاس جیت کر فیلڈنگ کا فیصلہ کیا ہے۔

پاکستان سپر لیگ 10 کےافتتاحی میچ میں اسلام آباد یونائیٹڈ نے کولن منرو کی ناقابل شکست نصف سنیچری کی بدولت لاہور قلندرز کو 8 وکٹوں سے ہرا دیا۔

راولپنڈی اسٹیڈیم میں اسلام آباد یونائیٹڈ نےٹاس جیت کر فیلڈنگ کا فیصلہ کیا، کپتان شاداب خان کا یہ فیصلہ درست ثابت ہوا اور لاہور قلندرز کی ٹیم بڑا اسکو رنہ کرسکی اور 19.2 اوورز میں139 رنز بنا کر آؤٹ ہوگئی۔

لاہور قلندرز کی جانب سےفخر زمان اور محمد نعیم نے اننگز کا آغاز کیا، دوسرے ہی اوور کی چوتھی گیند پر فخرزمان محض ایک رن بنا کر کیچ آؤٹ ہوگئے، انہیں اعظم خان نے ریلےمیریڈتھ کی گیند پر کیچ کیا۔

پانچویں اوور میں محمد نعیم بھی 8 رنز بنا کرچلتے بنے، انہیں اعظم خان ہی نے جیسن ہولڈرز کی گیند پر کیچ کیا، اس کے بعد وقفےوقفے سےلاہور قلندرز کی وکٹیں گرتی رہیں۔

لاہور قلندرز کی جانب سےصرف عبداللہ شفیق نے ففٹی اسکور کی، انہوں نے محض 38 گیندوں پر 66 رنز کی دلکش اننگز کھیلی۔

قلندرز کےتین کھلاڑی سام بلنگ، جہانداد خان اور ڈیوڈ ویز کو صفر پر آؤٹ ہوئے، جبکہ ڈیرل مچل نے 13، سکندر رضا نے 23 ،شاہین شاہ آفریدی 2، اور حارث رؤف نے 10 رنز بنائے، آصف آفریدی 2 رنز بنا کر ناٹ آؤٹ رہے۔

اسلام آباد یونائیٹڈ کی جانب سےجیسن ہولڈر نے شاندار بولنگ کا مظاہرہ کرتے ہوئے چار وکٹیں حاصل کیں، کپتان شاداب خان کےحصے میں تین وکٹیں آئیں جبکہ نسیم شاہ، ریلے میریڈتھ اور عمادوسیم نے ایک ایک کھلاڑی کو آؤٹ کیا۔

ہدف کے تعاقب میں اسلام آباد یونائیٹڈ کا آغاز اچھا نہیں تھا اور اس کی پہلی وکٹ صرف ایک رنز پر گر گئی تھی جب اینڈریز گوس 4 رنز بنا کر پویلین لوٹ گئے تھے۔

تاہم اس کےبعد دوسری وکٹ کے لیے صاحبزادہ فرحان اور کولن منرو نے 55 رنز کی ساجھے داری سے ٹیم کی پوزیشن مستحکم کی،لیکن اس موقع پر فرحان 25 رنز پر ہمت ہار بیٹھے، حارث رؤف نے ان کا شکار کیا۔

دو وکٹیں گرنےکےبعد اسلام آباد یونائیٹڈ نے بہترین کھیل پیش کیا اور 140 رنز کا ہدف 18اوور میں حاصل کر لیا، کولن منرو نےایک چھکے اور 7 چوکے کی مدد سے 59 رنز کی شاندر اننگزکھیلی جبکہ سلمان علی آغا نے 41 رنز بنائے اور آؤٹ نہیں ہوئے۔

لاہور قلندرز کے آصف آفریدی اور حارث رؤف ایک، ایک وکٹ لے سکے، شاہین آفریدی سمیت کوئی اور باؤلر ایک بھی کھلاڑی کو آؤٹ نہیں کرسکے۔

پی ایس ایل 10: راولپنڈی اسٹیڈیم میں افتتاحی تقریب کا آغاز قومی ترانے سے ہوا

اسلام آبادیونائیٹد کے خلاف لاہور قلندر کی پہلی وکٹ 4 رنز پر گئی ، فخرزمان 4 رنز بنا کر آؤٹ ہو گئے ۔

افتتاحی میچ میں لاہور قلندرز نے اسلام آباد یونائیٹڈ کو جیت کے لیے 140 رنز کا ہدف دیا ہے۔

راولپنڈی اسٹیڈیم میں کھیلے جانے والے میچ میں لاہور قلندرز کی ٹیم آخری اوور میں 139 رنز بناکر آؤٹ ہوگئی۔

لاہور قلندرز کے عبداللہ شفیق نے 66 رنزکی اننگز کھیلی اور 3 چھکے اور 6 چوکے لگائے جبکہ حارث رؤف 10 اور محمد نعیم 8 رنز بناسکے۔

شاہین آفریدی اور آصف آفریدی نے 2، 2 رنز بنائے جبکہ سیم بلنگز، جہانداد خان اور ڈیوڈویسا صفر پر آؤٹ ہوئے۔

اسکواڈ:

اسلام آباد یونائیٹڈ: آندرے گوس، صاحبزادہ فرحان،کولن منرو، سلمان آغا، اعظم خان، شاداب خان (کپتان)، جیسن ہولڈر، محمد شہزاد، عماد وسیم، نسیم شاہ، رائلے میریڈتھ

لاہورقلندرز:

فخر زمان، عبداللہ شفیق،محمد نعیم، ڈیرل مچل، سیم بلنگز، سکندر رضا، ڈیوڈ ویزے، شاہین شاہ آفریدی (کپتان)، جہانداد خان، حارث رؤف، آصف آفریدی