پیدل چلنا یا دوڑنا صحت کیلئے کتنا مفید ہے؟

چہل قدمی کو سب سے آسان ورزش میں شمار کیا جاتا ہے جس کو عام طور پر بزرگ افراد بھی انجام دیتے نظر آتے ہیں، طبی ماہرین کے مطابق چند منٹ چہل قدمی سے ہم انزائٹی، ڈپریشن، ذیابیطس اور کینسر سمیت دیگر بیماریوں سے بچائو ممکن بنا سکتے ہیں۔کچھ لوگ چہل قدمی کرنے کے بجائے دوڑنے کو زیادہ ترجیح دیتے ہیں، دوڑنا اور چہل قدمی کرنا دونوں آپ کی صحت کے لیے مفید ہیں ،البتہ طویل مدت کے لیے اچھی صحت برقرار رکھنا بھی ضروری ہے اور اس کے لیے چہل قدمی کے بجائے دوڑنا یا بھاگنا صحت کے لیے بے حد فائدے مند ہے۔2021 کی تحقیق کے مطابق درمیانی عمر کے 2 ہزار مرد اور خواتین کا جائزہ لیا گیا جس سے معلوم ہوا کہ تیز چلنا (جس کے نتیجے میں آپ بھاری سانسیں لیتے ہیں) صحت کے لیے زیادہ فائدہ مند ہے۔دوڑنے اور چہل قدمی کے درمیان فرق صرف رفتار کا ہے، چہل قدمی کے مقابلے دوڑنے کے لیے زیادہ طاقت، توانائی اور پاور چاہیے ہوتی ہے جو لوگ پہلی بار دوڑتے ہیں ان کے دل اور پھیپھڑوں پر زیادہ وزن پڑتا ہے جس کی وجہ سے آپ بھاری سانسیں لیتے ہیں اور بولنے کی طاقت نہیں رکھتے۔امریکن صحت گائیڈلائن نے مشورہ دیا کہ لوگوں کو ہفتے میں 150 منٹ سے 300 منٹ تک Moderate-intensity aerobic physical activity کرنی چاہئے، یعنی ایسی ورزش کرنی چاہئے جس سے آپ کا پسینہ نکلے۔2011 کے دوران تائیوان میں محقیقین نے 4 لاکھ سے زائد (بالغ) لوگوں سے پوچھا کہ وہ کتنی سخت ورزش (جیسے جاگنگ یا دوڑنا) اور ہلکی ورزش (جیسے تیز چلنا) کرتے ہیں، معلوم ہوا کہ باقاعدگی سے 25 منٹ دوڑنا اور 105 منٹ چہل قدمی کرنے سے اگلے 8 سالوں کے دوران مرنے کا خطرہ تقریباً 35 فیصد کم ہو جاتا ہے۔سائنسدانوں کا ماننا ہے کہ یہ خیال کہ دوڑنے سے آپ کے گھٹنوں کو نقصان پہنچاتا ہے، یہ صرف افسانوی باتیں ہیں، ان کا حقیقت سے کوئی تعلق نہیں ہے۔ تاہم جو لوگ تیز بھاگتے ہیں وہ لوگ چہل قدمی کرنے والے لوگوں کے مقابلے میں انجری کا کم شکار ہوتے ہیں۔اگر آپ بھی پہلی بار دوڑنے کا تجربہ کررہے ہیں تو ہفتے میں دو یا تین روز 3 ہزار قدم چہل قدمی کریں، ہفتے میں تین سے چار روز روزانہ 10 منٹ تک چلنے کی رفتار تیز کریں، آہستہ آہستہ وقت کو بڑھاتے جائیں، جیسے جیسے آپ فٹ ہوتے جائیں گے، آپ کو معلوم ہوگا کہ آپ کو مزید تیز رفتاری سے چلنا چاہئے، ایک بار جب آپ اس مقام تک پہنچ جاتے ہیں، جس میں عام طور پر ایک یا دو مہینے لگتے ہیں، پھر آپ اپنی ورزش میں رننگ کو شامل کرنا شروع کر دیں، وارم اپ کے طور پر پانچ منٹ کی تیز چہل قدمی کے ساتھ شروع کریں پھر ایک منٹ جاگنگ اور تین منٹ کی چہل قدمی کریں، اپنے سیشن کے دوران اس سائیکل کو تین سے پانچ بار دہرائیں، ہر دو ہفتے بعد اپنے دوڑنے کا وقفہ بڑھائیں اور چلنے کا وقت کم کریں، ایسا تب تک کریں جب تک کہ آپ مسلسل دوڑتے رہیں۔

Related Articles

Back to top button