بھارت حملے میں زخمی مزید2فوجی جوان شہید،تعداد13ہوگئی

پاکستان پرحملے کیلئے بھارتی جارحیت کے نتیجے میں زخمی ہونے والے 2 جوان شہید ہو گئے۔تعداد13ہوگئی۔

ترجمان پاک فوج کے مطابق بھارتی جارحیت میں زخمی ہونے والے 2 زخمیوں کی شہادت کی تصدیق کرتے ہوئے بتایا گیا کہ پاک فوج کے جوان اسپتال میں زیرِ علاج تھے۔ جارحیت کے نتیجے میں 78 جوان دورانِ ڈیوٹی زخمی ہوئے۔

آئی ایس پی آر کے مطابق شہدا کی عظیم قربانی ان کی جرات، فرض شناسی اور بےمثال حب الوطنی کی لازوال مثال ہے، پاکستان کی مسلح افواج، پوری قوم کے ساتھ مل کر ان عظیم شہدا کو خراجِ عقیدت پیش کرتی ہیں۔

ترجمان پاک فوج کے مطابق پاکستان کی مسلح افواج شہدا کے اہلِ خانہ سے تعزیت کا اظہار کرتی ہیں اور زخمی ہونے والے تمام جوانوں کی جلد اور مکمل صحتیابی کے لیے دعا گو ہیں۔شہدا کی قربانی قوم کی یادوں میں ہمیشہ زندہ رہےگی اور آنے والی نسلوں کیلئےباعثِ فخر بنے گی۔