مودی حکومت کی انتقامی کارروائیوں پر ایمنسٹی انٹرنیشنل کا دفاتر بند کرنے کا اعلان

29 ستمبر, 2020

انسانی حقوق کی تنظیم ایمنسٹی انٹرنیشنل کا کہنا ہے کہ وہ بھارت میں اپنا کام روک رہے ہیں کیوں کہ حکومت نے حقوق کی پامالی کے بارے میں بولنے پر ان کے خلاف تازہ کارروائی میں ان کے بینک اکاؤنٹس منجمد کردیئے ہیں۔
غیر ملکی خبر رساں ادارے کی رپورٹ کے مطابق گروپ نے اپنے بیان میں کہا کہ ‘تنظیم کو بھارت میں اپنے عملے کو فارغ کرنے اور اپنی جاری مہم اور تحقیقی کاموں کو روکنے پر مجبور کیا گیا ہے’۔ ان کا کہنا تھا کہ ‘یہ بھارتی حکومت کی جانب سے انسانی حقوق کی تنظیموں کے خلاف مسلسل جاری الزام تراشی میں نئی پیش رفت ہے جو بغیر کچھ معلوم کیے اور کسی مقصد کے ساتھ ایک الزام ہے’۔ ان کا کہنا تھا کہ ان کے بینک اکاؤنٹس کو 10 ستمبر کو منجمد کردیا گیا تھا۔ ایمنسٹی نے کہا کہ انہوں نے حالیہ دنوں میں جموں و کشمیر میں انسانی حقوق کی پامالی اور دہلی میں ہونے والے فسادات کو اجاگر کیا ہے اور حکومت کی جانب سے ان کو اس کی سزا دینے کی کوشش کی گئی ہے۔ حکومتی ترجمانوں کی طرف سے رائے کی درخواستوں پر فوری طور پر کوئی جواب نہیں موصول ہوسکا ہے۔

29 ستمبر, 2020
Photo of Rizwan Ali

Rizwan Ali

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button