اداکارہ رتیش دیش مُکھ اب ہدایتکاری کے میدان میں

سینکڑوں فلموں میں اداکاری کے جوہر دکھانے والے رتیش دیش مکھ نے اب ہدایتکاری کے میدان میں قسمت آزمائی کا فیصلہ کیا ہے، بالی ووڈ سٹار ایک مراٹھی فلم ’’ وید‘‘ میں صلاحیتوں کے جوہر دکھائیں گے۔ اس حوالے سے رتیش دیش مکھ نے بتایا کہ وہ کافی عرصے سے فلم ڈائریکشن کی طرف آنا چاہتے تھے لیکن ان کی ہمت نہیں پڑ رہی تھی، تاہم اب وہ اپنے فلمی کیرئیر میں پہلی مرتبہ ایک مراٹھی فلم ’وید‘ کی ہدایت کاری کے لیے کیمرے کے پیچھے نشست سنبھالیں گے۔ رتیش کا کہنا ہے کہ مہاراشٹر کی ریاست میں مراٹھی فلم کو کافی مقابلہ کرنا پڑے گا کیونکہ لوگوں کی پہلی ترجیح ہندی فلم ہوتی ہے، مسئلہ یہ ہے کہ ہم دوسری یا تیسری ترجیح سے برابری کی سطح پر کیسے آئیں، ہمیں دیکھنا ہے لوگوں کو کیسے کھینچیں، مہاراشٹر کی 12 کروڑ آبادی ہے اور مجھے یقین ہے کہ قریب 10 کروڑ مراٹھی بولنے والے ہیں۔

رتیش نے کہا کہ کچھ فلمیں بنیادی سطح تک پہنچیں جن میں ’سایرت، لائی بھاری اور نیٹ سامرت شامل تھیں۔ لیکن ہمیں ہر سال اس طرح کی دو فلموں کی ضرورت ہے، حال ہی میں رتیش نے ڈیجیٹل دنیا میں ’پلان اے پلان بی‘ میں ڈیبیو کیا ہے جس میں ان کی کو سٹار تمنا بھاٹیا ہیں۔ رتیش نے کہا کہ وہ ڈیجیٹل میڈیم میں دلچسپی رکھتے تھے اور ’پلان اے پلان بی‘ سے ان کا یہ خواب پورا ہو گیا ہے، ایک وقت تھا جب ہر طرف کرونا پھیلا ہوا تھا اور میں ڈیجیٹل میڈیم کے لیے کوشش کر رہا تھا لیکن اس وقت کچھ نہ ہو سکا، مجھے ہر دوسرے روز یو پی کے گینگسٹر کا رول آفر ہوتا تھا اور اس فلم سے مجھے 10 برس بعد رومینٹک کامیڈی کا موقع ملا۔

Back to top button