سعودیہ، چین مشترکہ بحری مشقیں اکتوبر میں ہونگی

سعودی عرب اور چین کے درمیان مشترکہ بحری مشقیں رواں برس اکتوبر میں شروع ہوں گی، چین اور سعودی عرب اگلے ماہ اپنی دوسری مشترکہ بحری مشقیں کرینگے، مشقوں کا نام بلیو سورڈ 2023ء‘رکھا گیا ہے۔

چینی وزارتِ دفاع نے اس ضمن میں بتایا ہے کہ چین سعودی عرب کے ساتھ گہرے تعلقات استوار کر رہا ہے، دونوں ممالک کی مشترکہ بحری مشقیں زینگ جیانگ میں منعقد ہوں گی۔

مشقیں ایسے وقت میں ہونے والی ہیں جب چین مشرقِ وسطیٰ میں قیام امن کے لیے اہم کردار ادا کر رہا ہے۔
یاد رہے کہ دونوں ممالک نے اس سے قبل 2019ء میں مشترکہ بحری مشقیں کی تھیں۔