روبینہ اشرف کی بیٹی کی شادی: اداکاراؤں کے ٹھمکے

سینئر اداکارہ روبینہ اشرف کی بیٹی مینا طارق کی شادی کی تقریبات کے دوران سینئیر اداکاراوں کے بھارتی گانوں پر ڈانس اور ٹھمکوں کی ویڈیوز سوشل میڈیا پر وائرل ہو گئی ہیں۔ جن فنکاروں کی ویڈیوز وائرل ہوئی ہیں ان میں خود روبینہ اشرف، ان کی بیٹی مینا، صبا پرویز، سفینہ بہروز اور دیگر کئی فنکار شامل ہیں۔

مینا طارق کی شادی کی تقریب میں سینئر اداکار شبیر جان کی بھارتی گانے پر ڈانس اور ٹھمکے لگانے کی ویڈیو بھی کافی وائرل ہو رہی ہے۔

یاد رہے کہ روبینہ اشرف کی بیٹی مینا نے 14 جنوری کو عمران شیخ سے نکاح کر کے نئی زندگی کا آغاز کیا تھا، مینا کی شادی کی تقریبات 12 جنوری سے شروع ہوئی تھیں اور ان کے مایوں کی تقریبات کی ویڈیوز بھی وائرل ہوئی تھیں۔ مینا کی شادی کے بعد شبیر جان اور بہروز سبزواری کی اہلیہ سفینا سبزواری کی ڈانس کی ویڈیوز بھی وائرل ہیں، جن پر لوگ رنگ برنگے تبصرے کرتے دکھائی دیئے۔

وائرل ہونے والی ویڈیوز کو روبینہ اشرف نے اپنی انسٹا گرام سٹوریز میں بھی شیئر کیا، جن کے بعد انہیں مختلف سوشل میڈیا پیجز بھی شیئر کیا گیا، وائرل ہونے والی ویڈیوز میں سینئر اداکار شبیر جان کو بھارتی گانے ’’منی بدنام ہوئی‘‘ سمیت ’’بدتمیز دل‘‘ پر رقص کرتے ہوئے دیکھا جا سکتا ہے۔

سجل علی کی ڈرامے میں موت پر بھی مداحین افسردہ

سینیئر اداکار کی جانب سے شادی میں بھارتی گانوں پر رقص کرنے پر لوگوں نے انہیں تنقید کا نشانہ بھی بنایا اور انہیں نہ صرف زائدالعمری کے طعنے دیئے بلکہ ان کے لیے نامناسب زبان بھی استعمال کی۔وائرل ویڈیوز میں سینیئر اداکار بہروز سبزواری کی اہلیہ سفینا سبزواری بھارتی گانے ’پریم رتن دھن پایو‘ پر رقص کرتی دکھائی دیں، اس سے قبل مینا طارق کے نکاح کی ویڈیوز بھی وائرل ہوئی تھیں، جن میں انہیں والدہ سمیت شریک حیات کے ساتھ بھی دیکھا گیا تھا۔ مینا طارق سے قبل بھی سال 2022 کے ابتدائی دو ہفتوں میں حبا بخاری، صبور علی اور اریبہ حبیب نے شادی کی جبکہ مریم انصاری نے بھی سال 2021 کے آخری ایام میں شادی کی تھی۔