صدر مملکت بارش کے کھڑے پانی میں گر گئے

صدر مملکت ڈاکٹر عارف علوی بارش کے باعث کھڑے پانی میں گر گئے۔تفصیلات کے مطابق شہرقائد میں جمعہ کو برسنے والی باران رحمت رہائشیوں کیلئے زحمت کا سبب بن گئی،ڈیڑھ گھنٹے تک ہونے والی بارش سے نہ صرف ڈیفنس سوسائٹی کے کئی فیز کی سڑکیں ڈوب گئیں بلکہ گھروں میں بھی بارش اور گٹر ابلنے والا پانی داخل ہوگیا۔
بارش کی وجہ سے سڑکوں پر جمع ہونے والا پانی اور گٹر ابلنے سے سینکٹروں گھروں میں دو دو فٹ پانی داخل ہوگیا جس کی وجہ سے ضعیف اور بیمار افرادکو شدید مشکلات کا سامنا کرنا پڑا،اس کے ساتھ ہی گھروں میں قیمتی سامان بھی خراب ہوگیا۔ بارش اور گٹر ابلنے سے نکلنے والا سیوریج کا پانی گاڑیوں کے اندر بھی داخل ہوگیا اور قیمتی گاڑیاں خراب ہوگئیں۔
اس حوالے سے کچھ لوگوں کاکہنا تھا کہ انہوں نے کچھ دنوں پہلے ہی نئی گاڑی خریدی تھی جو بارش کا پانی داخل ہوجانے سے خراب ہوگئی۔ ڈیفنس سوسائٹی میں گٹر ابلنے کے واقعات کی گزشتہ دونوں ہونے والی بارش میں سوشل میڈیا پرتشہیر ہوئی تھی لیکن اس کے باوجود سیوریج کے نظام کو درست نہیں کیا جاسکا جس کی وجہ سے گھروں میں بارش اور سیوریج ملا پانی داخل ہوگیا۔
https://twitter.com/asimnyazee/status/1284361016269316097?ref_src=twsrc%5Etfw%7Ctwcamp%5Etweetembed%7Ctwterm%5E1284361016269316097%7Ctwgr%5E&ref_url=https%3A%2F%2Fwww.urdupoint.com%2Fdaily%2Flivenews%2F2020-07-18%2Fnews-2475566.html
اسی حوالے سے صدر مملکت ڈاکٹر عارف علوی نے کی ایک ویڈیو سوشل میڈیا وائرل ہوئی جس میں انہیں بارش کے پانی میں کھڑا ہو کر انتظامات کا جائزہ لیتے ہوئے دیکھا جا سکتا ہے۔اس موقع پولیس اہلکار بھی ان کے ساتھ موجود ہیں۔
ویڈیو میں دیکھا جا سکتا ہے کہ ڈاکٹر عارف علوی بارش کے پانی میں گر گئےتاہم فورا ہی اٹھ کھڑے ہوئے۔اس حوالے سے سوشل میڈیا پر مختلف قسم کے تبصرے بھی کیے جا رہے ہیں،کچھ صارفین کا کہنا ہے کہ یہ وہی لوگ ہیں جو سابق وزیراعلیٰ پنجاب شہباز شریف کا بارش کے دوران مختلف علاقوں کا دورہ کرنے کا مذاق اڑایا کرتے تھے۔