وزیراعظم کا مفت آٹا اسکیم میں خامیوں پر اظہار ناپسندیدگی

 وزیراعظم شہباز شریف نے پنجاب میں مفت آٹا اسکیم میں انتظامی و تکنیکی خامیوں پر متعلقہ حکام سے اظہار ناپسندیدگی کیا ہے، وزیراعظم نے مفت آٹا اسکیم کا ڈیٹا جلد از جلد ری کنسائل کرنے کی ہدایت کر دی ہے۔

سرکاری ذرائع کے مطابق مستقبل میں اگر حکومت نے سستا یا مفت آٹا دینے کا فیصلہ کیا تو پنجاب میں مستحق افراد کو آٹا پر سبسڈی تھیلا کی صورت میں نہیں دی جائے گی بلکہ بے نظیر انکم سپورٹ پروگرام کے تحت کیش سبسڈی دی جائے گی۔

علاوہ ازیں مفت آٹا اسکیم میں استعمال ہونے والی ایپ”قیمت” میں سنگین نوعیت کی خامیاں سامنے آئی ہیں۔ ایک ضلع میں سپلائی کیا جانے والا آٹا کسی دوسرے ضلع میں ظاہر ہو رہا ہے جبکہ تقسیم کردہ آٹا کی “قیمت” ایپ میں ڈیجیٹل انٹری میں بھی غلطیوں کا انکشاف ہوا ہے۔