عامر لیاقت نے اپنی ننگی ویڈیوز PTI کے کھاتے میں ڈال دیں

رکن قومی اسمبلی عامر لیاقت حسین نے کہا ہے کہ سابق وزیراعظم عمران خان کی مخالفت کر کے مجھ سے بڑی بھول ہو گئی کیونکہ اسکے بعد سے سب میری ایسی کی تیسی کر رہے ہیں۔

اپنے ایک ویڈیو بیان میں عامر لیاقت حسین نے اپنی تیسری اہلیہ دانیہ شاہ اور سابق بیویوں سمیت پوری پاکستانی قوم سے معافی مانگی۔ انہوں نے اپنے بچوں کے لئے نیک خواہشات کا اظہار بھی کیا اور کہا کہ میری بیٹی دعا ایک بہترین آرٹسٹ بننے جا رہی ہے اور میرا بیٹا احمد ایک ذہین ترین انجینئر بننے جا رہا ہے۔

عامر لیاقت نے اپنی تیسری اہلیہ دانیہ شاہ کے کردار پر کیچڑ اچھالنے پر شرمندگی کا اظہار کرتے ہوئے کہا کہ میں نے جذباتی کیفیت میں دانیہ بارے بھلا بُرا کہا ہے لیکن لوگ اسے کچھ نہ کہیں کیونکہ وہ ابھی بہت چھوٹی ہے۔ عامر نے اپنی یہ ویڈیو انسٹاگرام پر شیئر کی جس کے کیپشن میں انہوں نے لکھا کہ میں نے اس حیاتِ شکستہ میں جس کا دل دُکھایا ہے، پاکستان چھوڑ کر جانے سے قبل ان سب سے معافی مانگتا ہوں۔
ان کا کہنا تھا کہ مجھے معاف کر دیجیے گا، جس کسی کا مجھ پر قرض ہے وہ قرض اتار دوں گا ان شاء اللہ مرنے سے قبل اور ایک بڑے چینل سمیت جس نے بھی میری رقم ہضم کر لی ہے، وہ بس اللہ سے ڈریں اور ڈھیل کو اپنی دعاؤں کی قبولیت نہ سمجھیں۔

رکن قومی اسمبلی نے اپنے پیغام میں نوجوانوں کو مخاطب کیا اور لکھا کہ نوجوانوں سے کہتا ہوں کہ کسی کو جاننے یا اس سے ملنے سے پہلے کسی کی سنی سنائی باتوں میں آکر اپنے والدین کی دوڑ دھوپ، تکلیف سے پالنے، حلال کمائی سے آپ کے لیے کمانے اور پھر آپ کی تربیت کرنے کو اپنے عمل سے پراگندا نہ کریں۔