مریم نوازکا پنجاب کابینہ میں توسیع کا فیصلہ

وزیر اعلیٰ پنجاب مریم نواز نے اپنی پنجاب کابینہ میں توسیع پر غور شروع کر دیا، ذرائع کے مطابق کابینہ میں 4 سے 5 افراد کو شامل کئے جانے کا امکان ہے۔جنوبی پنجاب سے 2 افراد کو کابینہ میں شامل کئے جانے کا امکان ہے، رانا اقبال، منشاء اللہ بٹ، سلطان حیدر علی خان کو بھی کابینہ میں شامل کیا جا سکتا ہے، اس حوالے سے کچھ افراد سے وزیراعلیٰ پنجاب مریم نواز کی ملاقات بھی ہو چکی ہے، مریم نواز پارٹی صدر میاں نوازشریف سے مشاورت کے بعد کابینہ میں توسیع کریں گی۔

دوسری جانبپنجاب حکومت نے 28 پارلیمانی سیکرٹریز تعینات کرنے کا فیصلہ بھی کیا ہے، کچھ ناراض اراکین کو پارلیمانی سیکرٹریز بنایا جائے گا تاکہ پارٹی اختلافات ختم ہو سکیں، حکومتی ذرائع کے مطابق پارلیمانی سیکرٹریز کی فہرست تیار کرکے وزیراعلیٰ پنجاب کو پیش کر دی گئی ہے۔ذرائع کا کہنا ہے کہ ناراض اراکین کو پارلیمانی سیکرٹریز بنایا جائے گا تاکہ پارٹی اختلافات ختم ہو سکیں، انہیں اہم محکموں کی ذمہ داریاں دی جائیں گی۔