اداکارہ نرگس فخری نے خفیہ طور پر شادی کرلی

اداکارہ نرگس فخری دوست ٹونی بیگ کے ساتھ رشتہ ازدواج میں بندھ گئیں۔
رپورٹس کے مطابق اداکارہ نرگس فخری اور ٹونی بیگ نےلاس اینجلس میں خفیہ طور پر شادی کی ہے جس میں صرف خاندان کے افراد اور قریبی دوستوں نے شرکت کی۔
بھارتی میڈیا کا بتانا ہے کہ نیا نویلا جوڑا شادی کے بعدسوئٹزرلینڈ میں ہے۔
جوڑے کی جانب سے شادی کی کوئی بھی تصویر سوشل میڈیا پر مداحوں سے شیئر نہیں کی گئی اور نہ ہی دونوں میں سے کسی نے شادی کی خبر کی تصدیق یا تردید کی ہے۔
بھارتی میڈیا کے مطابق نرگس فخری اور ٹونی بیگ 3 سال سے ڈیٹ کررہے ہیں، ٹونی بیگ کے حوالے سے بتایا جاتا ہے کہ وہ لاس اینجلس میں مقیم کشمیری نژاد بزنس مین ہے۔